عدالت کیخلاف روزویلاگز ہوتے،ہمیں کوئی فرق نہیں پڑتا،چیف جسٹس اسلام آبادہائیکورٹ

اسلام آباد ہائیکورٹ نے اعتزاز احسن کے خلاف کیپٹن (ر) صفدر کی درخواست نمٹادی

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ کیس میں آرڈر کرکے نمٹا دینگے اگر پاکستان بار کونسل یا کسی بھی بار کو اس عدالت پر شک ہے تو بتائیں، کیپٹن ر صفدر نے کہا کہ سوشل میڈیا نے اعتزاز احسن کے بیان کو بہت کوریج دی،اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ کیا کسی کو اسلام آباد ہائی کورٹ کی جانبداری پر کوئی شک ہے؟ اگر شک نہیں تو کسی کے غیر ذمہ دارانہ بیان پر توجہ کیوں دیں؟ فیصلہ کریں گے کہ لوگوں کا اس عدالت پر کتنا اعتماد ہے؟ یہ عدالت کسی سے غیر ضروری وضاحت طلب نہیں کرے گی، عدالت کے خلاف روزانہ وی لاگز ہوتے ہیں،ہمیں کوئی فرق نہیں پڑتا، غیر ضروری چیزوں کو اہمیت ہی نہیں دینا چاہیے، عدالت اپنے فیصلوں سے جانی جاتی ہے،جن کا جی چاہتا ہے کہتا ہے مگر توہین عدالت کارروائی اسکا حل نہیں،

وکیل درخواست گزار کی جانب سے رانا شمیم کیس کے حوالے پر عدالت نے اظہارِ برہمی کیا اور کہا کہ کیا درخواست گزار کو خود اس عدالت پر کوئی شک ہے ؟درخواست گزار نے کہا کہ ہمیں آپ پر اور عدالتی نظام پر بڑا اعتماد ہے،عدالت نے کہا کہ کیا آپ چاہتے ہیں کہ طلال چودھری، دانیال عزیز اور نہال ہاشمی طرح کے فیصلے یہاں بھی ہوں،

لاپتہ افراد کا سراغ نہ لگا تو تنخواہ بند کر دیں گے، عدالت کا اظہار برہمی

لاپتہ افراد کی عدم بازیابی، سندھ ہائیکورٹ نے اہم شخصیت کو طلب کر لیا

 لگتا ہے لاپتہ افراد کے معاملے پر پولیس والوں کو کوئی دلچسپی نہیں

قبل ازیں اسلام آباد ہائیکورٹ نے اسلام آباد پولیس کو زیر حراست ملزمان پر تشدد کے الزامات کے خلاف درخواست پر نوٹس جاری کر دیا اسلام آباد ہائیکورٹ نے فریقین کو 15روزمیں جواب جمع کرانے کا حکم دے دیا،اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ اگر تو کیس مقدمہ اندراج کا ہے تو جسٹس آف پیس کے پاس جائیں،یہ عدالت کوئی ایسی روایت نہیں بنانا چاہتی آپ پہلے متعلقہ فورم پر جائیں،ایف آئی آر اندراج کے استدعا کے علاوہ کوئی ہے تو اس سے متعلق بتائیں،اسلام آباد ہائیکورٹ نے کیس کی مزید سماعت دو ہفتے تک ملتوی کر دی