شیخوپورہ میں سرکاری خزانے کو پہنچا نقصان

شیخوپورہ (نمائندہ باغی ٹی وی) محکمہ لوکل گورنمنٹ ایفگنڈ کمیونٹی ڈویلپمنٹ میں سابقہ ادوار حکومت کی طرح 55 کروڑ روپے مالیت کے ترقیاتی کام پول کے ذریعے ٹھیکیداروں کو تقسیم کر دیئے گئے جس سے سرکاری خزانے کو پہنچنے والے نقصان کا اندازہ پانچ تا 8 کروڑ روپے لگایا گیا ہے
صوبائی وزیر ڈیزاسٹر مینجمنٹ میاں خالد محمود کے حلقہ کے ترقیاتی کام کمیشن وصول کیئے بغیر تحریک انصاف کے حامی ٹھیکیداروں اور کارکنوں کو الاٹ کر دیئے گئے جو ممکنہ طور پر 6 تا 10 فیصد کمیشن پر پروفیشنل ٹھیکیداروں کو سب لیٹ ہوسکتے ہیں باخبر ذرائع کے مطابق وزیر اعظم عمران خان اور وزیر اعلیٰ پنجاب سردار عثمان بزدار نے ضلع شیخوپورہ کے ایک قومی اور 3 صوبائی حلقوں میں ترقیاتی کاموں کے لیے 55 کروڑ روپے کے فنڈز جاری کیئے تھے جن کے کام محکمہ بلڈنگز ہائی وے پبلک ہیلتھ کی بجائے محکمہ لوکل گورنمنٹ اینڈ کمیونٹی ڈویلپمنٹ سے کروانے کا فیصلہ کیا گیا
حالانکہ گذشتہ ماہ وزیر اعلیٰ پنجاب سردار عثمان بزدار نے دورہ شیخوپورہ کے دوران غیر معیاری ترقیاتی کام کرنے والوں سمیت متعدد شکایات کی بناء پر محکمہ لوکل گورنمنٹ کے ایس ڈی او وسیم الدین کو معطل کر دیا تھا ذرائع کے مطابق ترقیاتی کام کے ورک آرڈر 10 فیصد کمیشن وصول کر کے دیئے جائیں گے دریں اثناء محکمہ لوکل گورنمنٹ اینڈ کمیونٹی ڈویلپمنٹ کے ذرائع نے ان الزامات کی تصدیق نہ کی ہے اور کہا ہے کہ ٹھیکیداروں نے باہمی طور پر پول کیا ہے اس میں کوئی آفیسر ملوث نہ ہے