fbpx

ٍڈنمارک کے وزیرخارجہ پاکستان کے دورے پر،اہم ملاقاتیں اورکریں گے راز کی باتیں

اسلام آباد”ٍڈنمارک کے وزیرخارجہ پاکستان کے دورے پر،اہم ملاقاتیں اورکریں گے راز کی باتیں ،اطلاعات کےمطابق وزیر خارجہ مخدوم شاہ محمود قریشی کی دعوت پر ڈنمارک کے وزیر خارجہ جیپی کوفود 30 ستمبر سے یکم اکتوبر 2021 تک پاکستان کا سرکاری دورہ کریں گے۔

ترجمان دفتر خارجہ کے مطابق دونوں وزرائے خارجہ افغانستان میں تازہ ترین پیش رفت اور دوطرفہ تعاون پر تبادلہ خیال کریں گے۔ دورے کے دوران وزیر خارجہ کوفود دیگر معززین سے بھی بات چیت کریں گے۔

یاد رہے کہ ڈنمارک پاکستان کا قابل قدر شراکت دار ہے۔ دوطرفہ تعلقات بڑھ رہے ہیں کیونکہ دونوں ممالک باہمی تعاون کو نئی راہیں بشمول قابل تجدید توانائی اور سبز ٹیکنالوجیز میں تبدیل کر رہے ہیں۔

ادھر ترجمان دفتر خارجہ نے امید ظاہر کی ہے کہ وزیر خارجہ کوفود کا دورہ کثیر جہتی دو طرفہ تعلقات کو مضبوط بنانے اور علاقائی اور بین الاقوامی مسائل پر باہمی افہام و تفہیم کو بڑھانے میں مثبت کردار ادا کرے گا۔