بزدار صاحب کہاں سوگئے؟ : آپ کی پولیس کا ہتک آمیز سلوک، بہن بھائی سے سڑک پر اٹھک بیٹھک لگوا رہی ہے، ویڈیو وائرل

لاہور :بزدار صاحب کہاں سوگئے؟ : آپ کی پولیس کا ہتک آمیز سلوک، بہن بھائی سے سڑک پر اٹھک بیٹھک لگوا رہی ہے، ویڈیو وائرل، ،اطلاعات کے مطابق پولیس چوکی انچارج نے تلاشی کے نام پر فیکٹری سے آنے والے دو بہن بھائیوں کو سڑک پر کھڑا کرکے اٹھک بیٹھک لگوائی، ہتک آمیز سلوک کی ویڈیو سوشل میڈیا پر وائرل ہوگئی۔

ذرائع کے مطابق لاہور کے علاقے غالب مارکیٹ میں پیش آیا جہاں پولیس اہلکاروں کا بہن بھائی کے ساتھ سرعام سڑک پر ہتک آمیز سلوک کا منظر دیکھا گیا جسے موبائل فون کیمرے میں محفوظ کرلیا گیا۔

پولیس کا رویہ تبدیل نہ ہوسکا
غالب مارکیٹ پولیس کا بہن بھائی کے ساتھ ہتک آمیز رویہ،
دونوں بہن بھائی کو سڑک پر سر عام کان پکڑوا کر ذلیل کیا
بہن بھائی کو کان پکڑوا کر سزادینے کی فوٹیج منظر عام پر آگئی #NewYear2021 #lastdayof2020 #GoodBye2020 @OfficialDPRPP@InamGhani @CMPunjabPK pic.twitter.com/zV3za2Dsyw

— Baaghi TV باغی ٹی وی (@BaaghiTV) December 31, 2020

بہن بھائی کو کان پکڑوا کر سزا دینے کی فوٹیج اور ویڈیو باغی ٹی وی نے حاصل کرلی، غالب مارکیٹ پولیس چوکی کے انچارج نے تلاشی کے نام پر بہن بھائی کی تذلیل کی، دونوں بہن بھائی کو سڑک پر سرعام کان پکڑوا کر اٹھک بیٹھک لگوائی۔

اس حوالے سے متاثرین کا کہنا ہے کہ ہم دونوں بہن بھائی فیکٹری ملازم ہیں ڈیوٹی کے بعد گھر جارہے تھے، چوکی انچارج ایس آئی جمشید نے انہیں روکا اور شناختی کارڈ طلب کیا، شناختی کارڈ نہ ہونے پر وہ ہمیں تھانہ غالب مارکیٹ کے گئے اقور وہاں بھی تشدد کا نشانہ بنایا۔لڑکی کے بھائی کا کہنا تھا کہ پولیس اہلکار نے تھانے میں تلاشی دینے کا کہا اور میرا سوئٹر بھی اتار لیا، لڑکے بتایا کہ چوکی انچارج نے بہن کی تلاشی بھی خود لی تھی۔