fbpx

کورونا کی نئی قسم "ڈیلٹا ویرینٹ” کیسز میں اضافہ سنیل شیٹھی کا اپارٹمنٹ سیل کر دیا گیا

ممبئی: میونسپل کارپوریشن نے کورونا کیسز میں اضافے پر اداکار سنیل شیٹھی کا اپارٹمنٹ سیل کردیا۔

باغی ٹی وی : بھارت میں سامنے آنے والی کورونا کی ایک اور قسم "ڈیلٹا ویرینٹ” دنیا کے لیے خطرہ بن چکا ہے بھارت میں یہ وائرس تیزی سے پھیل رہا ہے۔
جبکہ 90 سے زائد ممالک میں بھی پھیل چکا ہے-

بھارتی میڈ یا رپورٹ کے مطابق کورونا وائرس کی نئی قسم "ڈیلٹا ویرینٹ” ممبئی میں بھی تیزی سے پھیلنا شروع ہوچکا ہے بالی ووڈ اداکار سنیل شیٹھی کے ممبئی کے اپارٹمنٹ ’پرتھوی‘ میں بھی یہ وائرس حملہ آور ہوا ہے۔

اپارٹمنٹ میں 5 لوگوں کے کورونا ٹیسٹ مثبت آئے اور ان چاروں میں ’ڈیلٹا ویرینٹ‘ کی قسم پائی گئی ہے جس کے بعد اپارٹمنٹ کو سیل کردیا گیا۔

اسسٹنٹ میونسپل کارپوریشن پراشانت کا کہنا ہے کہ اداکار سنیل شیٹھی بھی اس اپارٹمنٹ کے اے ونگ میں رہائش پذیر ہیں تاہم کورونا کے پانچوں کیسز بی ونگ سے رپورٹ ہوئے ہیں جس کے باعث سنیل شیٹھی کی پوری فیملی محفوظ ہے جبکہ وائرس کے پھیلاو کو روکنے کی وجہ سے اپارٹمنٹ کو سیل کیا ہے۔

دوسری جانب اداکار سنیل شیٹھی کے ترجمان نے ایک بیان میں کہا کہ سنیل شیٹھی ان دنوں کام کے سلسلے میں ممبئی سے باہر ہیں تاہم ان کی فیملی گھر میں محفوظ ہے-