راولپنڈی :آرمی چیف جنرل قمر جاوید باجوہ نے مصحف ائیر بیس سرگودھا کا دورہ کیا اور ایف 16 طیارے میں بیٹھ کر جنگی کارروائی کے فرضی مشن کی مشق میں حصہ لیا۔
ڈائریکٹر جنرل انٹر سروسز پبلک ریلیشنز (ڈی جی آئی ایس پی آر) میجر جنرل آصف غفور کی جانب سے جاری بیان کے مطابق آرمی چیف جنرل قمر جاوید باجوہ نے مصحف ائیر بیس سرگودھا کا دورہ کیا جہاں چیف آف ائیر اسٹاف، ائیر چیف مارشل مجاہد انور خان نے ان کا استقبال کیا۔
آئی ایس پی آر کے مطابق فضائی جنگ کی تاریخ میں مصحف ائیر بیس اور اس کے اسکواڈرنز کے بہادر شاہینوں نے اہم کردار ادا کیا ہے اور ان کی مہارت، صلاحیت اور روایات قابل فخر ہیں۔
https://twitter.com/OfficialDGISPR/status/1201506463585316870?ref_src=twsrc%5Etfw%7Ctwcamp%5Etweetembed%7Ctwterm%5E1201506499761229825&ref_url=https%3A%2F%2Fwww.bolnews.com%2Furdu%2F%3Fp%3D36724
شعبہ ابلاغ عامہ (آئی ایس پی آر) کے مطابق سوشل میڈیا پر جاری بیان میں انکا کہنا تھا کہ آرمی چیف میجر جنرل آصف غفور نے پی اے ایف بیس مصحف سرگودھا کا دورہ کیا ہے۔
جاری کردہ پیغام میں انہوں نے کہا کہ آرمی چیف جنرل قمر جاوید باجوہ کواسکوڈرن میں لے جایا گیا ہے جہاں انہوں نے دوسرے ایف 16 طیارے کو ایئرچیف نے اڑایا اور دونوں ایف 16 طیاروں نے فضا میں جنگی سیمولیشن مشن کی مشق کی۔
آرمی چیف نے ائیر چیف مارشل کی قائدانہ صلاحیتوں کو بھی سراہا اور فورسز کے درمیان ہم آہنگی اور مطابقت کو کامیاب آپریشنز کے لیے ضروری قرار دیا۔
ائیر چیف مارشل مجاہد انور خان نے بھی آرمی چیف کے دورے پر ان کا شکریہ ا دا کیا، اس موقع پردونوں سربراہان کی جانب سے فورسز کے درمیان آپریشنز اور تربیتی امور میں رابطوں کو بڑھانے پر اتفاق کیا گیاانہوں نے مزید بتایا کہ آرمی چیف نے پاک فضائیہ کی مہارت اور پیشہ ورانہ جذبے کو بے حد سراہا ہے۔
