ڈیرہ غازیخان، 11کروڑ روپے کا منصوبہ کرپشن کی نذر
ڈیرہ غازیخان ٹھیکیدار اور ایس ڈی او کی ملی بھگت 11کروڑ روپے کا منصوبہ کرپشن کی نذر،7 کلو میٹر روڈ میں سے ایک کلو میٹر زیرو پوائنٹ سے اور ایک کلو میٹرسڑک کا آخری حصہ بنایا گیا اوردرمیانی حصہ 5 کلومیٹر روڈ بغیر بنائے چھوڑ کرغائب،فنڈز ہڑپ ،ناقص مٹیریل سے تیار پلیوں کے نیچے سے شٹرنگ کیلئے ڈالی گئی مٹی ہٹانے سے دھڑام سے زمین پرآگئیں ، روڈ کیلئے 5فٹ کے بجائے دوفٹ مٹی ڈالی گئی ،مٹی باہر سے منگوانے کی بجائے قریبی کھیتوں سے 5فٹ گہرے گڑھے ڈال کر مقامی زمینوں سے مالکان کی اجازت کے بغیر مٹی اٹھائی گئی،شہری کی درخواست پرنیب کانوٹس ،تحقیقات سیکرٹری کمیونیکیشن کے سپرد،ٹھیکیدار راشد بزداراورایس ڈی اوشفیع کھوسہ کی دوڑیں،مدعی کوخاموش کرانے کیلئے بھاری رقم کی پیشکش کیساتھ بااثرشخصیت کا دبائوبھی ڈلوادیا ۔ذرائع
تفصیل کے مطابق ڈیرہ غازیخان کے دیہی علاقہ دلانہ روڈ تاپتی زئی کیلئے مقامی ایم این اے سردارامجد فاروق خان کھوسہ نے اپنی گرانٹ سے علاقہ کی عوام کی سہولت کیلئے خطیررقم 11کروڑ روپے کی لاگت سے 7کلومیٹرپختہ سڑک کی منظوری دلائی ،جس کاٹھیکہ محکمہ پروونشنل ہائی وے ڈیرہ غازیخان نے راشدحیات بزدارکوجاری کیا۔محکمہ پروونشنل ہائی وے کاایس ڈی او شفیع کھوسہ جو ایم این اے سردارامجدفاروق کھوسہ کاقریبی اوربااثرشخص ہے نے ٹھیکیدارسے ملی بھگت کرلی اور یہ 7کلومیٹرروڈمکمل کروانے کی بجائے ایڈوانس پیمنٹ کروادی،جس شہری نے نیب کودرخواست دی جس میں اس نے مئوقف اختیارکیا کہ روڈبنانے کیلئے منظورشدہ 5 فٹ مٹی ڈالنے کی بجائے 2فٹ مٹی ڈالی جسے رودکوہی کا پانی منٹوں میں بہا کر ملیا میٹ کردے گا،ٹھیکیدار نے مٹی باہر سے منگوانے کی بجائے 5فٹ گہرے گڑھے ڈال کر زبردستی مقامی زمیندار کی زمینوں ںسے مٹی اٹھالی ،اسی طرح اس سڑک پر کئی جگہوں پر برساتی نالے ہیں جن پر پلیاں بنائی گئیں،جن میں انتہائی ناقص مٹیریل استعمال کیا گیا لینٹر کیلئے پلیوں مے نیچے مٹی ڈالی گئی تھی،جب اس مٹی کو نکالا گیا تو کئی پلیاں ناقص مٹیریل کی وجہ سے دھڑام سے زمین بوس ہوگئیں اور کئی میں دراڑیں پڑ گئیں ۔یاد رہے کہ اس سے قبل نیب کو منظور ولد تگیہ نے درخواست گذاری تھی جس پر نیب نے ایکشن لیا تھا اور تحقیقات سیکرٹری کمیونیکیشن کے سپردکردیں،جس پر مقامی سردار کے ذریعے اس کا راستہ بند کرکے جبراََ اس سے کیس ختم کرنے کیلئے بیان حلفی لیا گیا ،مگر حالات جوں کے توں رہے
ایک اور شخص نذر حسین ولد لال بستی ماڑک دلانہ نے کمشنرڈیرہ غازیخان کو نیب کے جاری کردہ تحقیقاتی لیٹر لف کرکے درخواست گذاری اور تحقیقات کا مطالبہ کیا ،دوسری طرف ذرائع کاکہنا ہے کہ ٹھیکیدار راشد بزدار اور ایس ڈی او شفیع کھوسہ نے پھرتی دکھاتے ہوئے کرپشن کیا ہوا مال ہضم کرنے کیلئے درخواست گذار کو بڑی رقم کا لالچ دے کر راضی کرنے کی کوشش کی اور آناََفاناََناقص میٹریل کا استعمال کرتے ہوئے روڈبنانا شروع کردیا جب اس سلسلے میں ایس ڈی او شفیع کھوسہ سے مؤقف لیا تو انہوں نے کہا کہ تم لوگ بھی خبریں لگا کر اپنا شوق پورا کرلو کیونکہ اس کیس پر میں پہلے ہی پیشیاں بھگت رہا ہوں ۔جو کچھ ان درخواستوں سے ہوا ہے وہی کچھ خبریں لگانے سے ہوگا ۔
شادی اس بات کا لائسنس نہیں کہ شوہر درندہ بن کر بیوی پر ٹوٹ پڑے،عدالت
خواجہ سراؤں کا چار رکنی گروہ گھناؤنا کام کرتے ہوئے گرفتار
چار ملزمان کی 12 سالہ لڑکے کے ساتھ ایک ہفتے تک بدفعلی،ویڈیو بنا کر دی دھمکی
ماموں کی بیٹی کے ساتھ گھناؤنا کام کرنیوالا گرفتار
پانی پینے کے بہانے گھر میں گھس کر لڑکی سے گھناؤنا کام کرنیوالا ملزم گرفتار
زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار
