ڈالر کے سامنے روییہ پھر سے دبکنے لگا
باغی ٹی وی ملک بھر میں دوبارہ امریکی ڈالر کی قدر میں تیزی سے اضافہ ہونے لگا، امریکی کرنسی ایک مرتبہ پھر 160 روپے کی سطح عبور کر گئی۔ دو روز کے دوران ڈالر ایک روپے مہنگا ہو گیا۔
دو روز کے دوران پاکستان کی مقامی مارکیٹ میں امریکی ڈالر کی قدر میں مسلسل اضافہ دیکھنے کو مل رہا ہے، قیمت بڑھنے کے بعد امریکی کرنسی کے بارے میں توقع کی جا رہی ہے اس میں مسلسل اضافہ دیکھنے کو ملے۔
سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے دوسرے کاروباری روز کے دوران انٹر بینک میں ڈالر 64 پیسے مہنگا ہو گیا، نئی قیمت 159 روپے 82 پیسے سے بڑھ کر 160 روپے 46 پیسے ہو گئی ہے۔
واضح رہےکہ اپریل 2019 میں ڈالر نے بڑی چھلانگ لگئی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔
اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی
