دُنیا کے مہنگے ترین کھانے

خوراک انسان کی بُنیادی ضرورت ہے اور پاکستان جیسے مُلک میں عام طور پر ایک آدمی کا پیٹ بھرنے کے لیے 2 روٹیاں کافی ہوتی ہیں جو 10 روپے میں خریدی جا سکتی ہیں اور کئی بیچارے غُربت کی وجہ سے وہ بھی نہیں خرید پاتے لیکن جن لوگوں کو اللہ چھپڑ پھاڑ کر دیتا ہے اُن کے ایک وقت کے کھانے کی قیمت بعض اوقات اتنی زیادہ ہوتی ہے کہ اُتنے پیسے میں ہزاروں آدمی کھانا کھا سکتے ہیں دنیا کےمہنگے ترین کھانےدرج ذیل ہیں جن کی قیمت جہاں آپ کو حیران و پریشان کر دے گی وہاں آپ سوچنے پر مجبور ہوجائیں گے کہ آج کے دور میں وہ کون لوگ ہیں جو اتنا مہنگا کھانا کھاتے ہیں

سفید اور کالی ٹرفل:
سفید ٹرفل دُنیا کی مہنگی ترین ٹرفل ہے جسکی وجہ اس کو پیدا کرنے اور محفوظ کرنے کے لیے خاص ماحول کا استعمال کیا جاتا ہے اور یہ عام طور پر فرانس میں پیدا ہوتی ہے جس کی یورپ میں قیمت تقریبا 2100 ڈالر فی کلو ہے اور کالی ٹرفل تقریباً 1700 ڈالر فی کلو میں فروخت ہوتی ہے
وگ یُو بیف:
بیف سٹیک کھانے کے شوقین حضرات وگ یُو بیف کھانے کے لیے دُنیا بھر سے جاپان کا رُخ کرتے ہیں اور اس جاپانی گائے کا گوشت دُنیا بھر میں گائے کے گوشت میں سب سے زیادہ لذیز مانا جاتا ہے وگ یُو گائے کو خاص خواراک کھلائی جاتی ہے اور روزانہ گائے کی مالش کی جاتی ہے اور اسے ایک خاص قسم کا میوزک سُنایا جاتا ہے اس گائے کا گوشت کی قیمت 450 ڈالر فی کلو ہے، یعنی اتنا مہنگا کے آپ اتنے پیسوں میں پاکستان میں پُوری گائے خرید لیں
بلوفن ٹیونا مچھلی:
انتہائی نایاب ٹیونا مچھلی کی اس نسل کا گوشت سُرخ رنگ کا ہے جس کی نسل اب تقریباً ختم ہونے والی ہے اس بلوفن ٹیونا مچھلی کا گوشت تقریباً 4000 ڈالر فی پاونڈ ہے

پپیتا کھانے کے زبردست اور حیران کُن فائدے

لابنوتی آلو:
پاکستان میں عام آلو آجکل 50 سے 100 روپئے کلو ملتا ہے لیکن لابونوتی آلو کوئی عام آلو نہیں ہے اور یہ دُنیا میں صرف فرانس میں اُگایا جاتا ہے اس آلو کی نہ صرف شکل عام آلو سے مختلف ہے بلکے اس کا ذائقہ بھی عام آلو سے بلکل مختلف ہے اور اسے یورپ کے مہنگے ریسٹورینٹس اپنے امیر کسٹمرز کے لیے خریدتے ہیں اس آلو کی فی کلو قیمت تقریباً 1600 ڈالر ہے
زعفران:
زعفران کا شُمار دُنیا کے مہنگے ترین کھانوں میں ہوتا ہے اور اسے بادشاہوں کی خوراک سمجھا جاتا ہے دُنیا میں سب سے بہترین کوالٹی کا زعفران ایران میں اُگایا جاتا ہے جسے بیجنے کے بعد تقریباً 3 سال تک اس پودے کی خدمت کرنی پڑتی ہے تب ایک پودے سے باریک دھاگے کی شکل کا تھوڑا سا زعفران حاصل ہوتا ہے جسے نہ صرف مہنگی ادویات میں استعمال کیا جاتا ہے بلکہ بہت سے کھانوں میں بھی اس کا استعمال ہوتا ہے، انٹرنیشنل مارکیٹ میں زعفران کی قیمت 400 ڈالر سے لیکر 1000 ڈالر فی کلو ہے مگر کُچھ اعلٰی کوالٹی کے زعفران ہزاروں ڈالر فی کلو قیمت رکھتے ہیں
سوالو نیسٹ سُوپ:
چین میں بنایا جانا والا یہ سُوپ ایک خاص پرندے کے تُھوک سے بنایا جاتا ہے اور اس میں عام طور پر اور کوئی چیز استعمال نہیں ہوتی اس سُوپ کے مہنگے ہونے کی سب سے بڑی وجہ اس کا تُھوک حاصل کرنا ہے اور یہ ایک خطرناک کام ہے کیونکہ یہ پرندہ اپنا گھونسلا اونچی چٹانوں پر بناتا ہے اس سُوپ کی فی کلو قیمت 3000 ڈالر ہے

گھر کو ہیٹر کے بغیر گرم رکھنے کی آسان تراکیب

ڈن سُوکی تربوز:
انتہائی نایاب نسل اور کالے رنگ کا یہ تربوز جاپان میں پیدا ہوتا ہے اوراسے عام طور پر بولی پر بیچا جاتا ہے جس میں اس کی بولی 6100 ڈالر فی تربوز تک چلی جاتی ہے
موز ملک چیز:
دُنیا کی سب سے مہنگی چیز جو دُنیا میں سوائے سویڈن کے مُوز فارم ہاوس کے علاوہ اور کہیں نہیں بنتی اسے دُنیا کی سب سے مزیدار چیز بھی مانا جاتا ہے جو کھانے کا ذائقہ ڈرامائی طریقے سے انتہائی شاندار کر دیتی ہے اس چیز کی فی کلو قیمت 1074 ڈالر ہے
یُبراکی کنگ تربوز:
ن سُوکی تربوز کے بعد یہ دُنیا کا دُوسرا مہنگا ترین تربوز ہے جو اندر سے مالٹے جیسا ہوتا ہے اور اس کا ذائقہ عام تربوز سےکہیں مختلف ہوتا ہے، اپنی بڑی ڈیمانڈ کی وجہ سے یہ تربوز بھی بولی پر فروخت کیا جاتا ہے اور عام طور پر اس کی فی تربوز قیمت 5000 ڈالر ہے
کلوگا کیوئر:
انتہائی نایاب قسم کی مچھلی کے یہ انڈے دُنیا کے مہنگے ترین کھانوں میں شُمار ہوتے ہیں جن کی فی کلو قیمت 7 ہزار ڈالر سے لیکر 12 ہزار ڈالر تک ہے