اسلام آباد:قتصادی رابطہ کمیٹی (ای سی سی) نے کمرشل و گھریلو صارفین کے لیے بجلی کی قیمتوں میں 5 روپے فی یونٹ کمی کی منظوری دے دی ہے-
باغی ٹی وی :ای سی سی کا اجلاس وفاقی وزیر خزانہ شوکت ترین کی زیر صدارت منعقد ہوا جس میں میں مختلف وزارتوں کی جانب سے بھیجی جانے والی سمریز پرغورو خوص کیا گیا۔
وزیراعظم پیکج کے تحت یوٹیلٹی اسٹورز پر پانچ اشیاء پر سبسڈی
ای سی سی نے وزیراعظم ریلیف پیکج کے تحت 4 ماہ کے لیے 700 یونٹ ماہانہ تک استعمال کرنے والے کمرشل و گھریلو صارفین کے لیے بجلی کی قیمتوں میں 5 روپے فی یونٹ کمی کی منظوری دے دی ہے لیکن بجلی کی قیمتوں میں کمی کا اطلاق لائف لائن صارفین پر نہیں ہوگا۔
ای سی سی نے او آئی سی وزرا خارجہ کانفرنس بلانے کے لیے وزارت خارجہ کو 42 کروڑ 89 لاکھ روپے کی ٹیکنیکل سپلمنٹری گرانٹ جاری کرنے کی بھی منظوری دے دی ہے ۔
حکومت کی جانب سے جاری کردہ نیا پاکستان سرٹیفکیٹس اور اسلامک نیا پاکستان سرٹفیکٹس کی اصل رقم اور سود کی ادائیگی کے لیے بھی 135 ارب 7 کروڑ 80 لاکھ روپے کی ٹیکنیکل سپلمنٹری گرانٹ جاری کرنے کی بھی منظوری دے دی ہے۔
وزیراعظم نےسینئر پارٹی رہنماؤں کو کل وزیر اعظم ہاؤس طلب کرلیا
ای سی سی نے وزیراعظم ریلیف پیکج کے تحت پیٹرولیم مصنوعات کی قیمتوں میں 10 روپے فی لیٹر کمی کے تحت آئل ریفائنریز کو پرائس ڈیفرنشل کلیم کی مد میں ادائیگیوں کی منظوری دے دی ہے۔
اوورسیز پاکستانیوں کیلئے کامیاب اوورسیز پروگرام کی منظوری دی گئی جس کے تحت کم آمدن تارکین وطن کیلئے سود سے پاک قرضے فراہم کیے جائیں گے کامیاب اوورسیز پروگرام کے تحت 10 ہزار 180 افراد کو 3 لاکھ تک قرض فراہم کیا جائے گا۔
نوجوانوں کی سوچ صیح سمت میں رکھنا حکومت اور معاشرے کی ذمہ داری ہے،وزیراعلی…
ای سی سی نے امپورٹ سینڈ ایکسپورٹ پالیسی آرڈر 2020 میں ترامیم کی منظوری دے دی توغ گیس فیلڈ سے ایس این جی پی ایل کو 16 ایم ایم بی ٹی یو گیس فراہمی کی بھی منظوری دی گئی پیٹرولیم ریلیف کے تحت آئل مارکیٹنگ کمپنیوں کو قیمتوں کا فرق حکومت ادا کرے گی۔
او آئی سی کے وزرائے خارجہ اجلاس کے لیے 42.89 کروڑ کے فنڈز کی فراہمی کی منظوری بھی دی گئی جب کہ تخفیف غربت و سماجی بہبود ڈویژن کے لیے 4.75 کروڑ کی گرانٹ کی منظوری دی گئی۔
