الیکشن کمیشن حکام نے صحافیوں کو بین الاقوامی مبصرین سے ملنے سے روک دیا

الیکشن کمیشن حکام کی ہٹ دھرمی جاری ہے، بیٹ رپورٹرز کو الیکشن کمیشن میں کوریج کرنے میں مشکلات کا سامنا ہے

آج عام انتخابات کے لئےپاکستان آئے بین الاقوامی مبصرین الیکشن کمیشن آئے تو الیکشن کمیشن حکام نے صحافیوں کو بین الاقوامی مبصرین سے ملنے سے روک دیا، صحافیوں نے بین الاقوامی مبصرین سے ملاقات کی کوشش کی تا ہم الیکشن کمیشن حکام کی جانب سے ملاقات کی اجازت نہیں دی گئی، جس پر صحافیوں نے احتجاج کیا ہے،

سماجی رابطے کی ویب سائٹ ٹویٹر پر الیکشن کمیشن کی بیٹ کرنیوالے صحافی محمد اویس لکھتے ہیں کہ الیکشن کمیشن کی ہٹ دھرمی ،غرملکی مبصرین کو الیکشن کمیشن بیٹ رپورٹرز کے میڈیا روم میں داخل ہونے سے روک دیا،صاف و شفاف الیکشن کون ماننے گا اگر اس طرح کا رویہ ہوگا؟

الیکشن کمیشن کی ہٹ دھرمی ،غرملکی مبصرین کو الیکشن کمیشن بیٹ رپورٹرز کے میڈیا روم میں داخل ہونے سے روک دیا،
صاف و شفاف الیکشن کون ماننے گا اگر اس طرح کا رویہ ہوگا؟@ECP_Pakistan @UNDP_Pakistan @GovtofPakistan @murtazasolangi @pressfreedom https://t.co/uea0BVqCw1

— Muhammad Awais (@pkawais1) February 3, 2024

واضح رہے کہ الیکشن کمیشن حکام کی جانب سے صحافیوں کو کوریج کرنے سے روکنے پر چند روز قبل صحافیوں نے احتجاج بھی کیا تھا،الیکشن کمیشن کے باہر صحافیوں نے نعرے بازی کی، صحافیوں کا کہنا تھا کہ رپورٹرز کی نقل و حرکت کی نگرانی کی جاتی ہے، ڈیٹا نا شیئر کیا جاتا ہے نا جواب دیا جاتا ہے،الیکشن کمیشن کے رویہ کے خلاف الیکشن کمیشن بیٹ رپورٹر نے الیکشن کمیشن کے مرکزی دروازے پر احتجاج کیا اور کہا کہ الیکشن کمیشن انفارمیشن کو روک رہا ہے میڈیا روم کے علاوہ کسی صحافی کو کسی برانچ میں جانے نہیں دیا جاتا.

عائشہ رجب علی پی ٹی آئی کے ساتھ ہاتھ کر گئی، استحکام پاکستان پارٹی میں شامل

ووٹ ایک قومی فریضہ ہے اسے خریدنا یا بیچنا حرام ہے،مولانازاہد محمود قاسمی

حلف اٹھا کر پیسے لیں، ووٹ نہ دیں،گنہگار نہیں ہوں گے،راشد محمود سومرو

پی ٹی آئی کو ووٹ دینے والے کل کو شہیدوں کو کیا منہ دکھائیں گے؟احسن اقبال

عمران خان کیخلاف بات کرنے پر پی ٹی آئی رہنما نے امام مسجد کو منافق کہہ دیا

خیبر پختونخوا والو، آپ بھی جھوٹے شخص کے جھانسے میں آگئے؟ نواز شریف کا سوال

مریم نواز کے جلسے میں پارٹی پرچم پھاڑنے والے طالب علموں پر مقدمہ درج

ہم ووٹ مانگنے جاتے تو لوگ خواجہ سرا سمجھ کر 50 کا نوٹ دیتے، نایاب علی

قبل ازیں نگران وفاقی وزیر اطلاعات مرتضیٰ سولنگی نے بین الاقوامی مبصرین کو بریفنگ دیتے ہوئے کہا کہ انتخابات میں صرف چار دن باقی رہ گئے ہیں،پاکستان دنیا کی پانچویں بڑی جمہوریت ہے،انتخابات کے حوالے سے انتظامات مکمل کرلئے گئے ہیں، قومی اسمبلی کی 266 نشستوں پر انتخابات ہو رہے ہیں،انتخابات میں سیکورٹی کو تین حصوں میں تقسیم کیا گیا ہے، پولنگ اسٹیشنوں پر سیکورٹی کے بھرپور انتظامات کئے گئے ہیں، پرامن اور شفاف انتخابات کے انعقاد کو یقینی بنایا جائے گا، پہلے حصے میں پولیس، دوسرے میں رینجرز اور ایف سی سیکورٹی کے فرائض سرانجام دیں گے، 28.8ملین ووٹرز اپنا حق رائے دہی استعمال کریں گے،شفاف الیکشن کیلئے بہترین انتظامات کیے گئے ہیں،پرامن اور شفاف الیکشن کیلئے تمام وسائل استعمال کیے جارہے ہیں،پاکستان آزاد ملک ہے، سب کو تنقید کا حق حاصل ہے،عدالتیں آزاد ہیں، نگران حکومت انہیں کنٹرول نہیں کرسکتی،پاکستان دہشت گردوں کے خلاف کارروائیاں کر رہا ہے، ہماری سیکورٹی فورسز انتخابات کیلئے مکمل طور پر تیار ہیں،