اسپیکر قومی اسمبلی راجہ پرویز اشرف سے نگران وفاقی وزیر داخلہ سرفراز بگٹی کی ملاقات ہوئی ہے
ملاقات میں ملک کی مجموعی امن وامان کی صورتحال اور باہمی دلچسپی کے دیگر امور پر تبادلہ خیال کیا گیا، ملاقات کے موقع پر آئندہ انتخابات اور سلامتی سے متعلق امور بھی زیر بحث آئے۔اسپیکر قومی اسمبلی راجہ پرویز اشرف نے ملک میں مان وامان کی صورتحال پر اطمینان کا اظہارکیا،اسپیکر نے ملک میں امن و امان کو برقرار رکھنے کے لیے وزارت داخلہ کی جانب سے اٹھائے گئے اقدامات کو سراہا۔
نگران وزیر داخلہ سرفراز بگٹی کا کہنا تھا کہ ملک میں شفاف انتخابات کیلئے الیکشن کمیشن کے ساتھ ہر ممکن تعاون کریں گے،نگران وزیر داخلہ نے سپیکر قومی اسمبلی کو غیر قانونی طور پر مقیم غیر ملکیوں سے متعلق اٹھائے گئے اقدامات سے بھی آگاہ کیا۔
دوسری جانب سینیٹ کی قائمہ کمیٹی برائے داخلہ کا اجلاس ہوا، جس میں نگران وزیر داخلہ سرفراز بگٹی نے قائمہ کمیٹی کو بریفنگ دی، سرفراز بگٹی کا کہنا تھا کہ ہم نے پاکستان سے غیر ملکی مقیم باشندوں کو نکالنے کی بات کی تھی، لیکن اسکو غلط لیا گیا،ہم نے غیر قانونی مقیم افراد کو نکالنے کا کہا اور سمجھا گیا کہ ہم صرف افغانوں کو نکال رہے ہیں، ایسا نہیں ہے، حکومت کا پیغام پاکستان میں مقیم تمام غیرقانونی مقیم افراد کے لیے ہے کسی بھی ملک میں یہ نہیں ہوتا کہ کسی دوسرے ملک کا شہری غیرقانونی طور پر آ کر بیٹھ جائے، ہاں اگر کسی کے پاس ریفیوجی کارڈ ہے یا ویزا ہے تو وہ ہمارا مہمان ہے
مستونگ اور ہنگو دھماکے قابل مذمت اور انتہائی افسوسناک ہیں ۔
مستونگ جلوس میں خودکش دھماکے کے بعد ہنگو مسجد میں بھی دھماکہ ہو گیا ہے
جو کام حکومتیں نہ کر سکیں،آرمی چیف کی ایک ملاقات نے کر دیا
جنرل عاصم منیر کے نام مبشر لقمان کا اہم پیغام
عمران خان پربجلیاں، بشری بیگم کہاں جاتی؟عمران کےاکاونٹ میں کتنا مال،مبشر لقمان کا چیلنج
ہوشیار۔! آدھی رات 3 بڑی خبریں آگئی
