وزیراعظم شہباز شریف نے کہا ہے کہ عید الفطر کے اس پر مسرت موقع پر میں پاکستانی قوم اور امت مسلمہ کو دل کی اتھاہ گہرائیوں سے مبارکباد پیش کرتا ہوں. رمضان المبارک میں اللہ رب العزت کی خوشنودی کیلئے عبادات کی ادائیگی اور پورا مہینہ صبر و استقامت کا مظاہرہ کرتے ہوئے بے شمار برکتیں اور رحمتیں سمیٹنے کے بعد عید اللہ تعالی کا اپنے مومنین کیلئے تحفہ ہے.
وزیراعظم شہبا ز شریف کا کہنا تھا کہ عید، ہمدردی، بھائی چارے، سخاوت اور معاشرے میں امن و خوشحالی کیلئے اپنی رنجشیں بھلا کر اکٹھا ہونے کا نام ہے. عید، معاشرے میں اپنے معاشی طور پر کمزور بہن بھائیوں کو انکی خوشیاں دوبالا کرنے میں مدد کرنے کا نام ہے. میں اپنی پوری قوم سے یہ اپیل کرونگا کہ مہنگائی اور ملکی معاشی حالات کے پیشِ نظر، صاحبِ ثروت لوگ اپنے اردگرد موجود ایسے لوگوں کو اپنی خوشیوں میں ضرور شامل کریں جو معاشی طور پر کمزور ہیں.
وزیراعظم شہباز شریف کا مزید کہنا تھا کہ عید کے اس موقع پر ہم مٹی کے اُن بیٹوں کو بھی خراجِ عقیدت پیش کر تے ہیں جنہوں نے اس ملک کے امن و سلامتی کیلئے اپنی جانوں کا نزانہ پیش کرنے سے بھی گریز نہیں کیا. ہم اس موقع پر اپنے ان بہادر سپوتوں کو بھی سلام کرتے ہیں جو ہر قسم کے جغرافیائی و موسمی حالات کی پرواہ کئے بغیر خوشی کے اس موقع پر اپنے پیاروں سے دور سرحدوں کی حفاظت، ملکی امن و امان اور دنیا بھر میں امن مشنز میں اپنی خدمات سر انجام دے رہے ہیں. وطن کے یہ بہادر بیٹے اور ان کے اہلِ خانہ کیلئے مجھ سمیت پوری قوم کے احترام اور عقیدت کے جذبات ہیں.
وزیراعظم شہباز شریف کا مزید کہنا تھا کہ میں پوری دنیا کے مسلمانوں سے بھی اپیل کرتا ہوں کہ وہ غاصب قوتوں کے ہاتھوں ظلم و جبر کا شکار اپنے نہتے فلسطینی اور کشمیری بہن بھائیوں کو بھی اپنی دعاؤں میں یاد رکھیں. اللہ تعالی ہمیں اپنی زندگیوں کو دینِ اسلام کی اصل روح کے مطابق گزارنے اور اسلام کے انسانیت کی بھلائی کے دیرینہ اصول پر عمل پیرا ہوتے ہوئے پوری دنیا میں امن و بھائی چارہ قائم کرنے میں اپنا کلیدی کردار ادا کرنے کی توفیق دے. آمین.
عید الفطر بھائی چارے، روا داری، امن اور پُرامن بقائے باہمی کی علامت ہے،بلاول
فتنوں کا سامنا ہوجائے تو مردانہ وار مقابلے کی صلاحیت رکھتے ہیں،مولانا فضل الرحمان
عید پر اپنے قومی ہیروز کے غیر متزلزل حوصلے کو یاد رکھیں،افواج پاکستان
واضح رہے کہ آج پاکستان بھر میں عید الفطر منائی جا رہی ہے،پاکستان کے تمام چھوٹے بڑے شہروں میں عید کی نماز کے اجتماعات ہوئے جس میں عوام کی بڑی تعداد شریک ہوئی، نماز عید کے اجتماعات میں ملکی سلامتی و خوشحالی کے لئے دعائیں کی گئیں،
بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا
مہنگائی،غربت،عید کے کپڑے مانگنے پر باپ نے بیٹی کی جان لے لی
پسند کی شادی کیلئے شوہر،وطن ،مذہب چھوڑنے والی سیماحیدر بھارت میں بنی تشدد کا نشانہ
پسند کی شادی، عدالت نے لڑکی کو شوہر کے ساتھ جانے کی اجازت دے دی
شادی شدہ خاتون سے معاشقہ،نوجوان کے ساتھ کی گئی بدفعلی،خاتون نے بنائی ویڈیو
بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو
حریم شاہ مبشر لقمان کے جہاز تک کیسے پہنچی؟ حقائق مبشر لقمان سامنے لے آئے
