سندھ کا ثقافتی دن یعنی ‘ایکتا جو دھارو’ مقبول عام ثقافتی تہوار ہے۔ چودھری پرویزالٰہی

لاہور(باغی ٹی وی)وزیراعلیٰ پنجاب چودھری پرویز الٰہی کا سندھ ثقافت کے دن پرخصوصی پیغام ،سندھ کا ثقافتی دن یعنی ‘ایکتا جو دھارو’ مقبول عام ثقافتی تہوار ہے۔ سندھی ثقافت مہمان نوازی، رواداری او رمحبت کے جذبوں سے مالا مال ہے۔ان کا کہناتھا کہ سندھ کی ثقافت دلکش روایات کی امین ہے۔یونیسکو کی فہرست میں شامل موہنجوداڑو او رمکلی کی ثقافت دنیا بھر میں پسند کی جاتی ہے۔اجرک کے رنگوں کی طرح سندھ کا کلچر بھی دلکش امتزاج کا حامل ہے۔سندھ کی ثقافت سچل سرمست، عبداللہ شاہ غازی اورلعل شہباز قلندر جیسے عظیم صوفیا کرام کی محبتوں سے مالا مال ہے۔اخوت اور رواداری پر مبنی سندھی ثقافت کا حسن سب سے جدا ہے،چودھری پرویزالٰہی نے کہا ہے کہ سندھ کے ثقافتی دن پر اہل سندھ کو دل کی اتھاہ گہرائیوں سے مبارکباد پیش کرتاہوں