یورپ:کوویڈ سے اموات کی تعداد بیس لاکھ سے تجاوز کرگئی

لندن :یورپ:وویڈ سے اموات کی تعداد بیس لاکھ سے تجاوز کرگئی،اطلاعات کے مطابق ادارہ برائے عالمی صحت کے مطابق خطے میں 218,225,294 رجسٹرڈ کوویڈ کیسوں میں سے 2,002,058 افراد کوویڈ کے سبب مر چکے ہیں۔

غیر ملکی خبر رساں ادارے کے مطابق ادارہ برائے عالمی صحت کا کہنا ہے کہ طویل عرصے سے وبائی مرض کورونا کا مرکز رہنے والے یورپ میں کوویڈ 19 سے مرنے والوں کی تعداد 20 لاکھ سے تجاوز کرگئی ہے۔

واضح رہے، ڈبلیو ایچ او کا یورپی خطہ 53 ممالک اور خطوں پر مشتمل ہے، جن میں کئی وسطی ایشیائی ممالک بھی شامل ہیں۔

اس تناظر میں دیکھا جائے تو امریکہ، دنیا کا سب سے زیادہ متاثر ہونے والا ملک ہے جہاں مجموعی طور پر ایک لاکھ سے زائد افراد وباء کے سبب زندگی کی بازی ہار چکے ہیں۔

دریں اثنا، مارچ کے پہلے دو ہفتوں میں دوبارہ سر اٹھانے کے بعد، یورپ میں متاثرین کی تعداد کم ہو رہی ہے۔پچھلے سات دنوں میں نئے کیسز اور اموات کی تعداد میں 26 کمی آئی ہے۔

علاوہ ازیں، ماہرین صحت کا کہنا ہے کہ عالمی وباء کے اثر سے دنیا مکمل طور پر باہر نہیں نکلی ہے۔ مختلف ویرئینٹ کا آنا اس امر پر دلالت کرتا ہے کہ وائرس کسی بھی کوئی سنگین شکل اختیار کرسکتا ہے۔ تاہم، احتیاط کر کے اس کی تباہ کاریوں سے بچا جاسکتا ہے۔