یورپ دوہری مصیبت میں پھنس گیا:شدید سردی میں روس نےگیس سپلائی بھی کم کردی

ماسکو:روس کی گیس پروم کمپنی کے منیجنگ ڈائریکٹر نے اعلان کیا ہے کہ دو ہزار بائیس میں یورپ کے لئے روسی گیس کی سپلائی میں ریکارڈ توڑ کمی واقع ہوئی ہے۔

روس کی گیس پروم کمپنی کے منیجنگ ڈائریکٹر الیکسی میلر کے اعلان کے مطابق روان ماہ دسمبر کے اختتام تک یورپ کے لئے روس کی گیس کی برآمدات، کم ہو کر سو ارب نو سو ملین میٹر مکعب تک پہنچ جائے گی۔

کراچی:دوران ڈکیتی مزاحمت پرڈاکوؤں کی فائرنگ سےخاتون زخمی

انھوں نے کہا کہ گیس پروم کمپنی کی قدرتی گیس کی پیداوار دو ہزار اکیس میں پانچ سو چودہ ارب آٹھ سو ملین میٹر مکعب سے کم ہو کر دو ہزار بائیس میں چار سو بارہ ارب چھے سو ملین میٹر مکعب تک ہوگئی ہے۔

روس نے اس کمی کا ازالہ کرنے کے لئے اپنی گیس کی قیمت میں اضافہ کر دیا ہے جیسا کہ رواں سال کے دس ماہ میں روس کے تیل اور گیس کی فروخت میں تیس فیصد سے زائد کا اضافہ ہوا ہے۔روس کی جانب سے گیس کی سپلائی میں کمی لانے کا اقدام بعض ممالک کی جانب سے روسی کرنسی میں قیمت ادا کئے جانے سے گریز کی بنا پر کیا گیا ہے۔

2011 کے بعد پہلی مرتبہ شام، ترکی اور روس کے وزرائے دفاع کی پہلی ملاقات،مذاکرات

روسی صدر ولادیمیر پوتین نے مارچ میں مغرب کی عائد کردہ پابندیوں کے مقابلے میں اپنی برآمد کردہ گیس کی قیمت روسی کرنسی میں وصول کئے جانے کی ہدایات جاری کی تھیں۔