فیس بک کی دوستی، عاشق نے محبوبہ کی خاطر ہاتھ کاٹ ڈالا، محبوبہ کے ساتھ پھر کیا کیا؟ پڑھیے

عاشق نے محبوبہ کی خواہش پوری کرنے کے لئے اپنا ہاتھ کاٹ ڈالا، سیلفی بنائی اور پھر محبوبہ کو قتل کرنے کے بعد خود بھی خود کشی کر لی

باغٰی ٹی وی کی رپورٹ کے مطابق یہ واقعہ بھارت کی ریاست مہاراشٹر میں پیش آیا جہاں ایک گیسٹ ہاؤس سے دو لاشیں ملنے کے بعد پولیس نے واقعہ کی تحقیقات کا آغاز کیا. پولیس کے مطابق عاشق کا نام ارون تھا اور بھارتی ریاست اترپردیش کے علاقے اعظم گڑھ کا رہائشی تھا، ایف اے تک تعلیم کے بعد ارون بزنس کرتا تھا، اس کی محبوبہ پرتیما ایک بینک میں ملازم تھی، جن کی سوشل میڈیا سائٹ فیس بک کے ذریعے دوستی ہوئی.

پولیس کا کہنا ہے کہ ارون نے اپنے گھر بتایا کہ وہ وارانسی جا رہا ہے، وہ ٹرین کے ذریعے وہاں گیا، کلیان ریلوے اسٹیشن پر اترنے کے بعد وہ اپنی محبوبہ پرتیما سے ملا اور دونوں نیلم گیسٹ ہاوس میں پہنچے ۔ پولیس کے مطابق گیسٹ ہاؤس کے ملازمین کا کہنا ہے کہ وہ کمرے میں جانے کے بعد باہر نہیں نکلے، رات کو جب کھانے کے لئے ویٹر کمرے مین گیا اور دروازہ نہیں کھولا گیا تو پولیس طلب کی گئی.

پولیس نے ہوٹل کے کمرے کا دروازہ کھولا تو عاشق ارون پنکھے سے لٹک رہا تھا جبکہ اس کی محبوبہ کی لاش بیڈ پر تھی. پولیس کا کہنا ہے کہ ارون نے محبوبہ کی خاطر اپنا ہاتھ کاٹ لیا تھا بعد ازاں تکیے سے گلا دبا کے اسے قتل کر دیا، محبوبہ کو قتل کرنے کے بعد ارون نے خود بھی پنکھے سے لٹک کر خود کشی کر لی