فواد چوہدری کی زبانی معافی کو قبول نہیں کیا گیا ،وکیل الیکشن کمیشن

الیکشن کمیشن کیس میں ناقابل ضمانت وارنٹ کیخلاف فواد چوہدری کی درخواست اسلام آباد ہائیکورٹ نے نمٹا دی

جسٹس طارق محمود جہانگیری نے سماعت کے بعد حکمنامہ جاری کیا ، ایڈوکیٹ فیصل چودھری نے عدالت میں کہا کہ عدالتی حکم پر الیکشن کمیشن میں پیش ہوگئے تھے ، توہین کمیشن کیس میں فواد چوہدری کی معافی پر کمیشن کے آرڈر کی کاپی فیصل چوہدری کو فراہم کردی گئی ،الیکشن کمیشن کی وکیل نے پیش ہوکر آرڈر کی کاپی فراہم کی ، وکیل الیکشن کمیشن نے کہا کہ فواد چوہدری کی زبانی معافی کو قبول نہیں کیا گیا ،

واضح رہے کہ عدالتی حکم پر فواد چودھری الیکشن کمیشن میں پیش ہوئے تھے،فواد چودھری نے کہا کہ میں اپنی جماعت کا سفیر تھا، میں ذاتی حیثیت میں معذرت کر سکتا ہوں، میری معذرت قبول کریں ، شو کاز نوٹس واپس لے لیں، پارٹی ایک ادارہ ہے، میں انکا ترجمان تھا، ذاتی حیثیت میں معذرت کر سکتا ہوں، میں قانونی کیسز میں نہیں پڑنا چاہتا،آپ کے لیے احترام ہے، اس وقت پارٹی کی پوزیشن تھی جو میں بیان کی، جس پر چیف الیکشن کمشنر نے فواد چودھری سے مکالمہ کرتے ہوئے کہا کہ پارٹی چیئرمین آپ سے قتل کروائیں تو آپ کریں گے، فواد چودھری نے کہا کہ میں ایسا نہیں کروں گا،چیف الیکشن کمشنر نے کہا کہ پارٹی چئیرمین کو ئی غلط بات کرے تو مان لیں گے،آپ کی جماعت نے کمیشن اور میری ذات کے حوالے سے کیا کیا نہیں کہا، آپ نے الیکشن کمیشن کی توہین کی ،آپ کے چیئرمین نے میری اہلیہ کے بارے مین غلط الفاظ استعمال کیے،میری بیوی کے بارے میں اوپن جلسے میں کہا گیا، پھر میڈیا کے سامنے مکر بھی گئے ،فواد چودھری نےکہاکہ سپریم کورٹ کے ججز کے بارے میں کیا کیا کہا جا رہا ہے، چیف الیکشن کمشنر نے کہا کہ ماحول ہم نے ہی ٹھیک کرنا ہے، فواد چودھری نے کہا کہ میری معذرت قبول کریں اور کیس ڈراپ کریں،چیف الیکشن کمشنر نے کہا کہ آپ تحریری معافی دے دیں، اگر آپ معافی لینا چاہتے ہیں، فواد نے کہا کہ میں نے زبانی معافی مانگ لی ہے،چیف الیکشن کمشنر نے کہا کہ معافی تحریری ہوتی ہے، آپ معافی جمع کرا دیں کمیشن اس پر غور کر لے گا، کیس کی سماعت یکم اگست تک ملتوی کر دی گئی

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

عمران خان معافی مانگنے جج زیبا چودھری کی عدالت پہنچ گئے