فیصل قریشی دبئی میں حادثے کا شکار

پاکستان شوبز کے معروف اداکار فیصل قریشی کی کار کو دبئی میں حادثہ پیش آ گیا-

باغی ٹی وی : تفصیلات کے مطابق اداکار فیصل قریشی پیسا ایوارڈ کی تقریب میں شرکت کے لیے دبئی میں موجود ہیں جہاں ان کی کار کو خوفناک حادثہ پیش آیا ہے فیصل قریشی گزشتہ روز دبئی میں ٹیکسی میں بیٹھ کر کہیں جارہے تھے کہ ان کی ٹیکسی کو حادثہ پیش آگیا تاہم وہ اس حادثے میں محفوظ رہے لیکن وہ جس کار (ٹیکسی) میں سفر کررہے تھے اسے بہت زیادہ نقصان پہنچا ہے۔

اداکار فیصل قریشی نے حادثے کی ویڈیو سوشل میڈیا پر شیئر کی اور بتایا کہ ابھی ابھی میرے ساتھ یہ خوفناک حادثہ پیش آیا ہے لیکن میری بچت ہوگئی اپنی صحت کے حوالے سے پیغام دیا کہ وہ اس حادثے میں محفوظ رہے اور بالکل خیریت سے ہیں۔

واضح رہے کہ دبئی میں فیصل قریشی نے دعا گروپ کے اشتراک سے پرفیوم برانڈ بھی متعارف کرایا ہے فیصل قریشی کا کہنا ہے کہ ابھی 4 خوشبوئیں متعارف کروائی گئی ہیں لانچنگ تقریب میں پاکستان کے شوبز اسٹار نے بھی شرکت کی اور اس امید کا اظہار کیا کہ پاکستانی ملبوسات کے ساتھ ساتھ خوشبو بھی دنیا بھر میں مہکے گی پاکستانی شوبز کی معروف اداکارہ اقراء عزیز نے پرفیوم کو بہترین قرار دیا۔پرفیوم کی چار اقسام ہیں جن میں دو مردوں اور دو عورتوں کے لیے ہیں، جو انمول خوشبوؤں کے ساتھ مارکیٹ میں دستیاب ہوں گی۔