فیروز خان جسمانی تشدد کرتے تھے اہلیہ علیزے

0
37

سوشل میڈیا پر ایک پوسٹ لگا کر فیروز خان کی اہلیہ علیزے فاطمہ نے بتایا ہے کہ کیوں انہوں نے فیروز خان کے ساتھ علیحدگی کا فیصلہ کیا. انہوں نے لکھا ہے کہ ہماری چار سال کی شادی الجھنوں کا شکار رہی۔ اس عرصے کے دوران میں نے شوہر کی جانب سے مسلسل جسمانی اور نفسیاتی تشدد ، بے وفائی اور بلیک میلنگ کا سامنا کیا۔ علیزے کا کہنا ہے کہ ان کا شوہر فیروز خان ان پر تشدد کرتا تھا چیختا چلاتا تھا. فیروز خان سے چار سال کی شادی کے تعلق میں ، میں اس نتیجے پر پہنچی تھی کہ مجھے اپنے راستے الگ کر لینے چاہیں اور گھٹن زدہ زندگی سے نکل جانا

چاہیے. میں پوری دندگی اس طرح کی خوفناک صورتحال کے ساتھ نہیں گزر سکتی تھی . میں اپنے بچوں کو ایک اچھا ماحول فراہم کرنا چاہتی ہوں ایسا ماحول کہ جس میں لڑائی جھگڑا ، مار پیٹ نہ ہو.میں اپنے بچوں کو سکھاﺅں گی کہ کوئی زخم اتنا گہرا نہیں ہوتا کہ مندمل نہ ہو سکے، کوئی زخم اتنا شرمناک نہیں کہ اسے تحفظ کی قیمت پر چھپایا جا سکے.انہوں نے مزید لکھا کہ میں نہیں چاہتی کہ میرے بچے ایسے تشدد زدہ ماحول میں پرورش پائیں اس لئے مجھے یہی بہتر لگتا ہے کہ میں اس رشتے سے نکل جائوں۔
یاد رہے کہ فیروز اور علیزہ نے 2018 میں شادی کی تھی، دونوں کے دو بچے ایک بیٹا اور بیٹی بھی ہیں۔

Leave a reply