اسلام آباد: ایکسپریس وے کے سروس روڈ ہائی وے پر فائرنگ سے 2 افراد جاں بحق ہوگئے۔
باغی ٹی وی : پولیس ذرائع کے مطابق ہائی وے پر زیارت سائیں بوٹا کے قریب 2 موٹرسائیکلوں پر سوار ملزمان نے فائرنگ کردی جس سے کار میں سوار 2 افراد موقع پر ہی دم توڑ گئے جب کہ ملزمان فائرنگ کرتے ہوئے فرارہوگئے۔
اسلام آباد: درجنوں وارداتوں میں ملوث ڈاکو پولیس مقابلے میں ہلاک ،ایک گرفتار
ترجمان پولیس کے مطابق جاں بحق ہونے والے افراد کی شناخت جہانگیر اور کمال کے نام سے ہوئی، دونوں افراد شکریال راولپنڈی کے رہائشی ہیں جبکہ فائرنگ کرنے والے ملزمان کی بھی شناخت کرلی گئی ہے-
آئی جی اسلام آباد محمد احسن یونس نے ملزمان کی گرفتاری کیلئے ڈی آئی جی آپریشنز کی زیرنگرانی پولیس ٹیمیں تشکیل دے دی ہیں ایس ایس پی آپریشنز کی سربراہی میں سربراہی میں پولیس ٹیموں کو ملزمان کی جلد از جلد گرفتار کرنے کی ہدایت کی گئی ہے۔
جبکہ ایس ایچ او تھانہ کھنہ حیدر علی کے مطابق دونوں افراد مقدمے میں پیشی کےلیے راولپنڈی کچہری جا رہے تھے ابتدائی طور پر واقعہ دیرینہ دشمنی کا شاخسانہ معلوم ہوتا ہے تاہم مختلف پہلوؤں پر تحقیقات جاری ہیں، ملزمان کی گرفتاری کیلئے ناکہ بندی کردی ہے-
پولیس یونیفام میں ناکہ لگا کر وارداتیں کرنے والا گروہ گرفتار
ملتان کےنواحی علاقے میں ڈکیتی کے دوران خاتون سے اجتماعی زیادتی
قبل ازیں تھانہ کھنہ کے علاقے لہتراڑ روڈ پرصنم چوک کے قریب مبینہ پولیس مقابلہ ہوا جس میں ایک ڈاکو ہلاک ہوا اور ایک ڈاکو کو زخمی حالت میں گرفتار کر لیا گیا ڈکیت گینگ ڈکیتوں کی درجنوں وارداتوں میں ملوث تھا۔
پولیس ذرائع کےمطابق ہلاک ڈاکو شناخت پرویز اور زخمی کی شناخت محمد آصف کے نام سے ہوئی، ہلاک ڈاکو راولپنڈی میں ڈکیتیوں کے دوران قتل، اقدام قتل سمیت سنگین جرائم کی 24 وارداتوں میں ملوث تھا جبکہ زخمی ڈاکو محمد آصف نے ڈکیتی کی 3 وارداتوں کا انکشاف کیا ہے ڈکیت گروہ کا اسلام آباد میں ہونے والی حالیہ متعدد واردتوں میں ملوث ہونے کا بھی انکشاف ہوا ہے۔
