تحریک عدم اعتماد جلد لائی جائے گی، شاہد خاقان عباسی

اسلام آباد: مسلم لیگ (ن) کے رہنما اور سابق وزیر اعظم شاہد خاقان عباسی نے کہا ہے کہ تحریک عدم اعتماد جلد لائی جائے گی۔

باغی ٹی وی : شاہد خاقان عباسی نے اسلام آباد میں میڈیا سے گفتگو کرتے ہوئے کہا کہ پیپلزپارٹی نےپی ڈی ایم خودچھوڑی تھی۔ تحریک عدم اعتماد ضرور لائی جائے گی۔

انہوں نے نیب پر تنقید کرتے ہوئے کہا ہے کہ نیب کا کام ہاؤ سنگ سوسائٹیز کو چلانا ہے تو اس کام پر لگادیں نیب سیاستدانوں کو بدنام کرنے کا کام کیوں کرتاہے؟نام نہاداحتساب کےنظام کاآج چوتھاسال ہے۔

خاقان عباسی کا کہنا ہے کہ ہم 4 سال سے کیس بھگت رہے ہیں، جج بھی پریشان ہیں، ہم تو ہر پیشی پر آتے ہیں، کہتے ہیں کہ کیمرے لگائیں، نیب اور ایف آئی اے 5 سالوں میں کوئی کیس نہیں بنا سکا، نیب خود کہتا ہے کہ ہم نے کوئی کرپشن نہیں پکڑی، کوئی سیاستدان نہیں پکڑا۔

نوازشریف نے وزیراعظم کیخلاف تحریک عدم اعتماد لانے کیلئے شہباز شریف کو ٹاسک سونپ…

مسلم لیگ ن کے رہنما نے کہا کہ چیئر مین نیب 5 ماہ سے ڈیلی ویجز پر ہے، انشااللہ جلد ماحول تبدیل ہو گا، کون سا محکمہ ہے جس میں کرپشن نہیں، ادویات اسکینڈل چینی، گندم سمیت درجنوں اسکینڈلز کی ایک لمبی فہرست ہے، جو لوگ اربوں روپے کھا گئے ان سے بھی حساب ہو گا۔

خاقان عباسی نے کہا کہ چیئرمین نیب غیر قانونی مشیروں کے اثاثہ جات تو عوام کو بتائے جائیں، اداروں کے افسران کو کہوں گا کہ قانون کے دائرے میں رہیں افسران کوجواستثنیٰ حاصل ہےوہ ایک آرڈیننس کی مارہےسپریم کورٹ کہہ چکی نیب پولیٹیکل انجینئرنگ کرتاہے-

آسٹریلیا نے دورہ پاکستان کیلئے ٹیسٹ اسکواڈ کا اعلان کر دیا

انہوں نے کہا کہ ان لوگوں نے ملک کا ہر محکمہ تباہ کر دیا ہے، دنیا میں 16 ممالک کو پاکستان نے کرپشن میں پیچھے چھوڑ دیا،حکمرانوں نےعوام کومہنگائی کےسیلاب تلےتباہ کردیا ہے یہ رفتار رہی تو عمران خان کی حکومت دنیا کی نمبر ون کرپٹ حکومت ہو گی۔

سابق وزیراعظم نے کہا کہ تحریک عدم اعتماد کی تشہیر نہیں کی جاتی، تحریک عدم اعتماد تب لائی جاتی ہے جب نمبر گیم مکمل ہوں، تحریک عدم اعتماد جلد لائی جائے گی-

اسلام آباد: درجنوں وارداتوں میں ملوث ڈاکو پولیس مقابلے میں ہلاک ،ایک گرفتار