امریکہ کی ریاست فلوریڈا میں عمارت گرنے کا واقعہ ،جدید مشینری کے باوجود ریسکیو آپریشن میں ناکامی

0
32
امریکہ کی ریاست فلوریڈا میں عمارت گرنے کا واقعہ ،جدید مشینری کے باوجود ریسکیو آپریشن میں ناکامی #Baaghi

امریکا کی ریاست فلوریڈا میں گرنے والی عمارت کے ملبے تلے دبے 150 افراد میں سے کسی ایک کو بھی جدید مشینری ہونے کے باوجود چھٹے روز بھی تاحال زندہ نہ نکالا جاسکا۔

باغی ٹی وی : غیرملکی میڈیا کے مطابق حادثے کا شکار ہونے والی عمارت کے سربراہ نے عمارت مخدوش ہونے کے خدشات پہلے ہی ظاہر کیے تھے تاہم کسی نے نوٹس تک نہ لیا۔

انجینئرز کا دعویٰ ہے کہ 13 منزلہ عمارت کی بنیادیں کمزور ہونے کے سبب حادثہ پیش آیا۔

13 منزلہ عمارت کے ملبے سے گیارہ لاشیں نکالی جاچکی ہیں 149 افراد تاحال تلاش نہ کیے جاسکے ملبے تلے ممکنہ طور پر دبے 149 افراد کے زندہ بچنے کی امیدیں دم توڑنے لگیں-

امریکہ میں گرنے والی عمارت سے 156 افراد تا حال لاپتہ

میامی کے میئر کا کہنا ہے کہ حادثے کے مقام پر ریسکیو آپریشن جاری ہے، سیکڑوں ریسکیو ٹیمیں اسٹینڈ بائے پر بھی ہیں جبکہ اسرائیل اور میکسیکو سے بھی ماہرین ریسکیو آپریشن میں حصہ لے رہے ہیں۔

وائٹ ہاؤس کی ترجمان کے مطابق امریکا کے صدر جوبائیڈن چاہتے ہیں کہ عمارت گرنے کے واقعے کی مکمل تحقیقات کی جائے۔

واضح رہے کہ جمعرات عمارت گرنے کا واقعہ میامی کے علاقے سرف سائیڈ ٹاؤن میں پیش آیا۔ جب عمارت گری تو اس وقت اکثر مکین سو رہے تھے۔ عمارت جزوی طور پر گرنے سے چار افراد ہلاک اور 159 لاپتہ ہوئے تھے۔ لاپتہ افراد میں سے اکثر کے ملبے تلے دبے ہونے کا اندیشہ ہے۔

فلوریڈا،عمارت کے ملبے تلے 150 افراد کے زندہ بچنے کی امیدیں دم توڑنے لگیں

Leave a reply