ضلع اوکاڑہ میں ڈپٹی کمیشنر عثمان علی کی ہدایت پر گندم خریداری مہم جاری
اوکاڑہ(علی حسین مرزا) ضلع میں ڈپٹی کمشنر عثمان علی کی زیرہدایت گندم خریداری کی مہم جاری ہے۔ اب تک ضلع اوکاڑہ میں محکمہ خوراک کی جانب سے کاشتکاروں کو دس لاکھ 97ہزار 885 بوری دانہ جاری کیا گیا ہے جبکہ 6 لاکھ 98 ہزار 908 بوری گندم خریدی جاچکی ہے۔ 42 فیصد گندم کی خریداری کا ہدف مکمل کیا جاچکا ہے۔ گندم خریداری مراکز پر سماجی فاصلہ کو ملحوظ خاطر رکھتے ہوئے کسانوں کی سہولیات کے لیے تمام ضروری اقدامات کیے گئے ہیں۔ ڈسٹرکٹ فوڈ کنٹرولر روحیل بٹ کے مطابق گندم خریداری کا باقی ماندہ ہدف آئندہ دنوں میں مکمل کرلیا جائیگا۔
