جنرل قمر جاوید باجوہ اور پاک آرمی پر فخر ہے،علامہ طاہر محمود اشرفی

پاکستان علماء کونسل کے چیئرمین علامہ طاہر محمود اشرفی نے کہا ہے کہ ان شاء الله آج پاكستان كے سپه سالار اپنى افواج اور وطن كے لئے ارض حرمين شريفين سے ایک اور اعزاز لینے پر اپنے سپه سالار اور سپاہ پر فخر ہے۔ سماجی رابطے کی ویب سائٹ پر اپنے پیغام میں

#VIDEO: Crown Prince confers Order of King Abdulaziz award to #Pakistan’s Army Chief pic.twitter.com/wATCSQ5QR9

— Saudi Gazette (@Saudi_Gazette) June 26, 2022

طاہر اشرفی نے کہا کہ جنرل قمر جاوید باجوہ کیلئےشاہ عبد العزیز میڈل قوم اور وطن کیلئے اعزاز ہے ،‏سعودی قیادت خادم الحرمین الشریفین ،ولی عہد اور سعودی حکومت کے مشکور ہیں،مولانا طاہر اشرفی کا کہنا تھا کہ ‏آرمی چیف ،افواج پاکستان اور پوری قوم کو مبارکباد پیش کرتے ہیں.

منح قائد الجيش الباكستاني الفريق أول ركن قمر جاويد باجوا وشاح الملك عبدالعزيز من الدرجة الممتازة أثلج صدور 221 مليون مواطن باكستاني وأكد بأن المملكة الشقيق والحليف الأكبر الأقوى لحكومة وجيش وشعب باكستان شكراً لخادم الحرمين الشريفين وولي العهد الأمين حافظ محمد طاهر محمود اشرفى pic.twitter.com/ojXN4W2Zxk

— TahirMahmoodAshrafi حافظ محمد طاهراشرفى (@TahirAshrafi) June 26, 2022

قبل ازیں آرمی چیف جنرل قمر جاوید باجوہ کو سعودی عرب کے ’کنگ عبد العزیز میڈل آف ایکسیلینٹ کلاس‘ کے اعزاز سے نواز دیا گیا، وزیر اعظم شہباز شریف نے آرمی چیف کو مبارک باد دی ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے سعودی عرب کا سرکاری دورہ کیا، آرمی چیف نے جدہ میں ولی عہد شہزادہ محمد بن سلمان سے ملاقات کی، جس میں انہیں باہمی تعلقات کے فروغ کی کاوشوں کے اعتراف پر ’کنگ عبد العزیز میڈل آف ایکسیلینٹ کلاس‘ سے نوازا گیا۔

آئی ایس پی آر کا کہنا ہے کہ سعودی وزیر دفاع اور سعودی چیف آف جنرل اسٹاف بھی ملاقات میں موجود تھے، ملاقات میں باہمی دلچسپی کے امور، دوطرفہ دفاعی و سکیورٹی تعاون پر تبادلہ خیال کیا گیا۔

آئی ایس پی آر کے مطابق ملاقات میں مشترکہ تربیت، فضائی دفاع، انسداد دہشت گردی، مواصلات، انفارمیشن ڈومین کے شعبوں میں دفاعی تعاون بڑھانے پر اتفاق کیا گیا۔

پاک فوج کے شعبہ تعلقات عامہ نے کہا کہ فریقین نے دوستانہ تعلقات اور پائیدار اسٹریٹجک پارٹنرشپ کو فروغ دینے پر بھی اتفاق کیا۔

اس موقع پر آرمی چیف جنرل قمر جاوید باجوہ نے اسلامی دنیا میں سعودی عرب کے منفرد مقام کو سراہتے ہوئے کہا کہ پاکستان سعودی عرب سے تاریخی اور برادرانہ تعلقات کو قدر کی نگاہ سے دیکھتا ہے۔

دوسری جانب وزیر اعظم شہباز شریف نےآرمی چیف جنرل قمر جاوید باجوہ کو کنگ عبدالعزیز میڈل سے نوازنے پر مبارکباد دی ہے۔شہباز شریف نے کہا کہ آرمی چیف نے دونوں برادر ممالک کے درمیان دفاعی تعلقات مضبوط بنانے میں اہم کردارادا کیا، یہ پاکستان کے عوام اور مسلح افواج کے لیے بہت بڑا اعزاز ہے۔

انہوں نے کہا کہ ہم سعودی عرب کی سلامتی کو اپنا سمجھتے ہیں، بہترین دفاعی تعاون سمیت کثیرالجہتی دوطرفہ تعلقات مزید مستحکم کرنے کے لیے پرعزم ہیں۔