کانگریس لیڈر غلام نبی آزاد سابق بھارتی وزیر خزانہ پی چدمبرم سے ملنے تہاڑ جیل پہنچ گئے
بھارت میں سینئر کانگریس لیڈر غلام نبی آزاد سابق وزیر خزانہ پی چدمبرم سے ملنے تہاڑ جیل پہنچ گئے،
باغی ٹی وی کی رپورٹ کے مطابق غلام نبی آزاد کے ہمراہ پارٹی کے ایک اور لیڈر احمد پٹیل بھی تھے، یہ ملاقات تقریبا ڈیڑھ گھنٹہ جاری رہی، اس دوران بھارتی لوک سبھا کے ممبر اور مسٹر چد مبرم کے بیٹے کارتی چد مبرم بھی ان کے ساتھ تھے، میڈیا رپورٹس میں بتایا گیا ہے کہ غلام نبی آزاد نے سابق وزیر خزانہ کی صحت کے بارے میں دریافت کیا اور ان سے موجودہ سیاسی امور پر تبادلہ خیال کیا،
واضح رہے کہ سابق ہندوستانی وزیر خزانہ پی چدمبرم میڈیا بدعنوانی معاملے میں 5 ستمبر سے تہاڑ جیل میں قید ہیں، سابق مرکزی وزیر پر متحدہ ترقی پسند اتحاد حکومت کے دور میں اپنے منصب کا غلط استعمال کرنے اور آئی این ایکس میڈیا کو غیرضروری فوائد پہنچانے کا الزام ہے،