ملک میں سونے کی قیمت میں مزید اضافہ

اسلام آباد: ملک میں سونے کی قیمت میں مسلسل تیسرے روز اضافہ ہوا ہے-

باغی ٹی وی: آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت میں200 روپے کا معمولی اضافہ ریکارڈ کیا گیا جس کے بعد فی تولہ سونے کی قیمت 2 لاکھ 14 ہزار 600 روپے ہوگئی ہے جبکہ 10 گرام سونے کی قیمت میں بھی 172 روپے کا اضافہ ہوا ہے جس کے بعد 10 گرام سونا ایک لاکھ 83 ہزار 985 روپے کا ہو گیا ہے، عالمی منڈی میں سونے کی قیمت میں 7 ڈالر کا اضافہ ہوا جس کے بعد سونا 2012 ڈالر فی اونس کا ہو گیا ہے۔

دوسری جانب ڈالر اور پٹرولیم مصنوعات کی قیمتوں میں کمی کے فوائد ملنے کا سلسلہ رک گیا،دو ہفتوں میں مہنگائی میں ہونے والی کمی کے بعد مہنگائی بڑھنے لگی ہفتہ وار بنیادوں پر مہنگائی کی شرح میں 0.71فیصد اضافہ ہوگیا ادارہ شماریات کے مطابق سالانہ بنیادوں پر بنیادی اشیا ضروریہ کی قیمتوں میں تقریباً 30فیصد اضافہ ہوا۔

سابق وزیر خزانہ اسحاق ڈار ن لیگ کے الیکشن سیل کے چیئرمین مقرر

گزشتہ ہفتے چودہ اشیا کی قیمتوں میں اضافہ اور چودہ میں کمی ہوئی،ایک ہفتے میں ٹماٹر 34روپے اضافے کے بعد اوسطا165روے فی کلو ہوگیا،پیاز 25روپے اضافے کے ساتھ 123روپے فی کلو تک پہنچ گیا، زندہ مرغی کی اوسطا قیمت 37روپے اضافے سے 349روپے فی کلو تک پہنچ گئی،چائے، چینی چاول، دودھ،لہسن،آلو،انڈے اور جلانے کی لکڑی بھی مہنگی ہوگئی۔

رپورٹ کے مطابق گزشتہ ہفتے ایل پی جی گھریلو سلینڈر 33روپے کمی سے 3125روپے کا ہوگیا۔ ادارہ شماریات کے مطابق گھی سات روپے کمی سے 522روپے فی کلو ہوگیا، دال مونگ،دال مسور، دال چنا، ماش، کیلا، گڑ اور آٹے کی قیمتوں میں معمولی کمی ہوئی۔

پتھر دل والے لوگ ہی غزہ کی تباہی پر خاموش رہ سکتے ہیں،روسی صدر