اسے کہتے ہیں گڈگورننس ،کرونا وائرس کی تباہ کاریوں کے باوجود دیامر بھاشا ڈیم کی اصولی منظوری

اسلام آباد: اسے کہتے ہیں گڈگورننس ،کرونا وائرس کی تباہ کاریوں کے باوجود دیامر بھاشا ڈیم کی اصولی منظوری ،اطلاعات کے مطابق قومی اقتصادی کونسل کی انتظامی کمیٹی(ایکنک) نے 175 ارب روپے سے زائد کے دیامر بھاشا ڈیم کی اصولی منظوری دیدی۔

تفصیلات کے مطابق مشیر خزانہ ڈاکٹر عبد الحفیظ شیخ کی زیر صدارت ایکنک کا اجلاس ہوا، اجلاس کے دوران 250 ارب روپے سےزائد مالیت کے 4 میگا پراجیکٹس کی منظوری دیدی گئی۔مشیر خزانہ کی زیر صدارت ہونے والے اجلاس کے دوران قومی اقتصادی کونسل کی انتظامی کمیٹی(ایکنک) نے 175 ارب سے زائد کے دیامر بھاشا ڈیم کی اصولی منظوری دیدی

اجلاس کے دوران 12.43 ارب کے لودھراں ملتان 62 کلومیٹر طویل دو رویہ سڑک منصوبے کی منظوری دی گئی، لودھراں ملتان این 5 سیکشن میں 2 فلائی اوور، 2 انٹر چینج اور 4 چھوٹے پل شامل ہیں۔اجلاس کے دوران پنجاب کے 11 کم ترقی یافتہ اضلاع میں 32ارب سے ہیومن کیپٹل انوسٹمنٹ منصوبہ بھی منظور کیا گیا ہے۔ خیبرپختونخوا کے تمام 26 اضلاع میں 30 ارب کے اری گیٹڈ ایگریکلچر پراجیکٹ کی منظوری دی گئی۔