سرکاری ملازمین کو مفت بجلی نہیں ملے گی:حکومت کا فیصلہ:کیا عمل درآمد ہوگا؟بحث شروع

اسلام آباد:سرکاری ملازمین کو مفت بجلی نہیں ملے گی:حکومت کا فیصلہ:کیا عمل درآمد ہوگا؟بحث شروع ،اطلاعات کے مطابق وفاقی حکومت نے لیسکو سمیت تمام کمپنیوں کے افسران و ملازمین سے مفت بجلی کی سہولت واپس لینے کا فیصلہ کر لیا۔

دوسری طرف اس حوالے سے فری یونٹس کی بجائے تنخواہوں میں اضافی ادائیگیوں کی تجاویز دے دی گئیں۔

وفاقی حکومت کے فیصلے کی روشنی میں پاور سیکٹر کے تمام افسران و ملازمین کو عہدے کے مطابق فری بجلی کی سپلائی دی جا رہی ہے۔ جس میں گریڈ 1 سے لیکر 21 تک کے افسران و ملازمین فری بجلی کی سپلائی سے مستفید ہو رہے ہیں تاہم سینیٹ کی قائمہ کمیٹی نے کمپنیوں کے سربراہان کی جانب سے فری یونٹس ختم کرنے کی تجاویز پر فیصلہ کیا گیا ہے،۔

فری یونٹس کی بجائے تنخواہوں میں اضافی ادائیگی کرنے کی تجاویز دے دی گئیں، واضح رہے کہ لیسکو سمیت تمام تقسیم کار کمپنیوں میں ملازمین کو فری یونٹس سپلائی دی جاتی ہے، ملازمین کو ہر ماہ ایک سو پچاس سے لیکر 2 ہزار یونٹس تک مفت بجلی فراہم کی جاتی ہے۔

دوسری طرف عوام الناس کا کہنا ہے کہ حکومت کی یہ خام خیالی ہے یہ کیسے ممکن ہےجو واپڈا اہلکار ببانگ دہل بجلی چوری کرتے ہیں اور ہراہلکار درجنوں گھروں کوبجلی بائی پاس کرکے دیتے ہیں وہ کیسے حکومتی داو میں آئیں گے