گورنر سندھ عمران اسماعیل سے متحدہ عرب امارات کے قونصل جنرلبخت عتیق الرمیتھی (Bakheet Ateeq Al Romaithi) نے گورنر ہاؤس میں ملاقات کی-
باغی ٹی وی : ملاقات میں دوطرفہ تعاون خاص طور پر تجارت، سرمایہ کاری، امارات میں مقیم پاکستانی کمیونٹی اور باہمی دلچسپی کے دیگر اہم معاملات اور افغانستان میں قیام امن کی مثبت پیش رفت اور مقبوضہ کشمیر کی صورتحال پر تبادلہ خیال کیا گیا-
وہ دن دور نہیں جب نثارکھوڑو اور مرادعلی شاہ کی جگہ خواتین کام کرینگی،بلاول
ملاقات میں پاکستان اور متحدہ عرب امارات کے درمیان زراعت کے شعبے میں تعاون بڑھانے پر اتفاق کیا گیا۔
گورنر سندھ نے کہا کہ پاکستان اور متحدہ عرب امارات کے درمیان تاریخی تعلقات ہیں جس کی بنیاد مشترکہ دین، اقدار اور باہمی احترام ہے پاکستان میں بالخصوص صحت، تعلیم ، توانائی اور انفرااسٹرکچر ڈیولپمنٹ کے شعبہ جات میں متحدہ عرب امارات کی معاونت قابل ذکر ہے۔
متحدہ عرب امارات کے قونصل جنرل کی جانب سے دوطرفہ تعلقات اور تعاون کو وسعت اور مستحکم بنانے کے لئے مذید اقدامات کی یقین دہانی کرائی گئی-
