اب سیاست نہیں خدمت چلے گی ؛پنجاب میں میڈیکل کالجوں اور ٹیچنگ اسپتالوں میں سیاسی سرگرمیوں پر پابندی عائد کردی گئی

لاہور:خدارا سیاست نہیں مریضوں کا علاج کرو ،اطلاعات کے مطابق حکومت نے تمام سرکاری میڈیکل کالجوں اور ٹیچنگ اسپتالوں میں سیاسی سرگرمیوں، ریلیوں اور احتجاج پر پابندی عائد کر دی گئی۔محکمہ اسپیشلائزڈ ہیلتھ کیئر اینڈ میڈیکل ایجوکیشن کے جاری مراسلے کے مطابق سرکاری اسپتالوں اور میڈیکل تعلیمی اداروں میں ہرقسم کی سیاسی سرگرمیوں پر پابندی ہو گی

حکومت کی طرف سے اعلامیے میں کہا گیا ہے کہ اب طبی تعلیمی اداروں میں حکومت مخالف بینر اور پوسٹر لگانے کی بھی ممانعت ہو گی ، یہ بھی معلوم ہوا ہے کہ حکومت نے فیصلہ کیا ہے کہ جو ملازم سیاست کریں گے اور اپنی ذمہ داریاں احسن انداز سے نہیں نبھائیں گے ان کے خلاف سخت کارروائی کی جائے گی