کوئٹہ اور کوہاٹ میں دستی بم حملے، ایک شخص جاں بحق،14 افراد زخمی

کوہاٹ:کوئٹہ اور کوہاٹ میں دستی بم حملے، ایک شخص جاں بحق،14 افراد زخمی ،اطلاعات کے مطابق کوئٹہ کے علاقے جوائنٹ روڈ پر دستی بم دھماکے میں ایک شخص جاں بحق اور 12 افراد زخمی ہو گئے۔

پولیس کے مطابق دھماکا جوائنٹ روڈ پر دوکانی بابا چوک کے قریب ہوا جہاں نامعلوم افراد دستی بم پھینک کر فرار ہوگئے۔

دھماکے میں زخمی ہونے والوں کو فوری طور پر طبی امداد فراہم کرنے کے لیے سول اسپتال منتقل کردیا گیا جبکہ پولیس اور ایف سی نے علاقے کو گھیرے میں لیکر ملزمان کی تلاش شروع کردی۔

بم دھماکے کے 14زخمی سول ہسپتال کوٸٹہ لاۓ گٸے ابتداٸی طبی امداد کے بعد زخمیوں کو ٹراما سینٹر میں طبی سہولیات فرھم کی جارہی ہے۔

زخمیوں کے نام
1.دوستم شاہ ولد محمد شاہ
*2.سلیمان شاہ ولد محمد شاہ
3.عبدالصمد ولد گل محمد
4.عنایت اللہ ولد فاروق
5.میر حاتم علی ولد حیات اللہ
6.محمد بلال ولد محمد ہاشمی
7.گوہر شاہ ولد ذاکر شاہ
8.مجاہد علی ولد امان اللہ
9.اصغر علی ولد باغی
10.حبیب اللہ ولد ظفر
11.ریاض احمد ولد مسعود احمد
12.صبور شاہ ولد فرید شاہ
13.فرنم دس ولد ولد لکشمی چند
14.گل محمد ولد محمد ہاشم

جبکہ ایک شخص سورج ولد باغی جانبحق ہوگیا ہے

دوسری جانب خیبرپختونخوا کے شہر کوہاٹ میں بھی پولیس ناکے پر دہشت گردوں کے دستی بم حملے میں دو پولیس اہلکار زخمی ہو گئے۔

پولیس کے مطابق تھانہ جرما کے قریب یونیورسٹی روڈ پر پولیس چیک پوسٹ پر نامعلوم موٹر سائیکل سواروں نے دستی بم سے حملہ کیا۔ حملے میں دو اہلکار افتخار اور عابد زخمی ہوگئے۔