گلف آئل کا پاکستان کی شراکت کے ساتھ پاکستانی مارکیٹ میں آغاز کار

اسلام آباد: ملکی تیل کی صنعت: عالمی لبریکنٹس کمپنی گلف آئل کا پاکستانی مارکیٹ میں آغاز کار

باغی ٹی وی: پاکستانی آئل مارکیٹ کے لیے ایک اہم پیشرفت میں، عالمی لبریکینٹ کمپنی، گلف آئل نے پاکستان کی شراکت کے ساتھ پاکستانی مارکیٹ میں آغاز کار کا فیصلہ کیا ہے پاکستان کے سی ای او طارق محمود نے اپنے بیان میں کہا ہے کہ یہ معاہدہ عالمی پیٹرو کیمیکل کمپنیوں کی دلچسپی کو پاکستانی تیل کی مارکیٹ میں محفوظ تجارت،سرمایہ کاری اور مشترکہ منصوبوں کی منزل کے طور پر راغب کرے گا۔

واضح رہے کہ گلف آئل یوکے کے سی ای او مائیک جونز نے لندن میں اپنے کارپوریٹ ہیڈ کوارٹرز میں اپنے پاکستانی ہم منصب کے ساتھ معاہدے پر دستخط کیے ہیں۔

14 ویں صدر کا انتخاب: آج شیڈول جاری کیے …

طارق محمود نے وضاحت کی کہ پاکستان آئل اور ایندھن کی ایک بڑی مارکیٹ ہے؛ جس کی آبادی ساڑھے چوبیس کروڑ ہے اور کم از کم 8 ملین گاڑیاں موجود ہیں، جبکہ گلف آئل 1901 سے قائم ہے اور دنیا بھر کی 1,400 بندر گاہوں کو لبریکینٹس فراہم کرتا ہے، انہوں نے مزید کہا کہ یہ بات قابل غور ہے کہ تیل کی تجارت تمام تجارتوں کی ماں ہے اور کسی بھی ملک کی اقتصادی ترقی کے لیے از حد ضروری ہے۔

طارق محمود نے کہا کہ پاکستان میں براہ راست غیر ملکی سرمایہ کاری (FDI) لانے کی شرط یہ ہے کہ پاکستان کے سافٹ امیج کو اجاگر کیا جائے اور اسے بین الاقوامی کمپنیوں کے لیے ایک منافع بخش مارکیٹ کے طور پر پیش کیا جائے انہوں نے مزید کہا کہ اس مخصوص معاملے میں، گلف آئل ایک بہت بڑی کمپنی ہے جس کا دنیا کے 100 ممالک میں کاروبار ہے اور اس کا پاکستان کے ساتھ کاروبار کرنا دیگر عالمی پیٹرو کیمیکل کمپنیوں کے لیے پاکستانی مارکیٹ میں داخل ہونے کے لیے ایک مثال قائم کرے گا۔

کنگز کا قلندرز کے خلاف ٹاس جیت کر بولنگ کا فیصلہ

طارق محمود نے واضح کیا کہ گلف آئل کی مصنوعات کی دستیابی نہ صرف پاکستانی لبریکنٹس کی مارکیٹ کا معیار بلند کرے گی؛ بلکہ، موجودہ اور ممکنہ مارکیٹ کے کھلاڑیوں کے درمیان صحت مند مسابقت کو بھی فروغ ملے گا۔

انہوں نے اس بات پر بھی روشنی ڈالی کہ CPEC کے پس منظر میں، پاکستان علاقائی ترسیل و تجارت کا مرکز بننے کی صلاحیت رکھتا ہے اور چند سالوں میں لبریکینٹس کی مانگ کئی گنا بڑھ جائے گی، مزید برآں، انرجی کو اسپیشل انویسٹمنٹ فیسیلیٹیشن کونسل (SIFC) نے اپنے پانچ فوکس ایریاز میں سے ایک بنایا ہے اور تیل کی صنعت انرجی کے شعبے کے لیے ایندھن فراہم کرتی ہے۔ انہوں نے مزید کہا کہ OTO پاکستان کو ایک عالمی کھلاڑی کو پاکستانی مارکیٹ میں لانے پر فخر ہے اور اس طرح اس نے صنعت و تجارت کی ترقی کے لیے اپنا کردار ادا کیا ہے۔

الزامات لگانے والے دھاندلی کا ثبوت بھی دیں،بلاول بھٹو