انسداد دہشت گردی عدالت میں تحریک انصاف کی رہنما ڈاکٹر یاسمین راشد نے میڈیا سے غیر رسمی گفتگو کرتے ہوئے کہا ہے کہ نومئی کا سیزن دوبارہ شروع ہوگیا ہے، ہمارے کارکنان کو 9 ماہ بعد نومئی کے مقدمات میں گرفتار کیا جا رہا ہے،
ڈاکٹر یاسمین راشد کا کہنا تھاکہ ہمارے کارکن پرامن احتجاج کر تے ہیں انکو گرفتار کر لیا جاتا ہے، اب انکو کس چیز کا ڈر ہے الیکشن میں انہوں نے دھاندلی سے حکومت بنا لی ہے، ہمارے کارکنان کیخلاف دہشت گردی کے بےجا مقدمات درج کئے جاتے ہیں ،ہمارے دور میں بلاول بھٹو ، مولانا فضل الرحمان ، مسلم لیگ ن نے لانگ مارچ کیا ہم نے کسی کو گرفتار نہیں کیا ، پُرامن احتجاج کرنا سیاسی جماعتوں کا حق ہے ،سب کے سامنے ہمارے مینڈیٹ کو چوری کیا گیا ،ہمارے جیتے ہوئے ایم پی ایز اور ایم این ایز کو ہرایا گیا ، چیف الیکشن کمشنر کو مینڈیٹ چوری کرانے پر سخت سے سخت سزا دینی چاہیئے بلکہ آرٹیکل 6 لگنا چاہیئے ، مریم نواز ساڑھے تین ماہ جیل گزار کر آبدیدہ ہوگئیں جبکہ پی ٹی آئی کی خواتین گیارہ ماہ سے جیل میں ہیں ،ہمیں ابھی تک یہ نہیں پتہ کہ ہم نے کونسا جرم کیا ہے ، تحریک انصاف کی خواتین کو بغیر کسی ثبوت گیارہ ماہ سے جیل میں رکھا ہے،
سماعت سے محروم بچوں کے لئے بڑی خوشخبری
سماعت سے محروم بچوں کے والدین گھبرائیں مت،آپ کا بچہ یقینا سنے گا
چلڈرن ہسپتال کا کوکلیئر امپلانٹ کے تمام اخراجات برداشت کرنے کافیصلہ،ڈاکٹر جاوید اکرم
