حماس نے اسرائیل کیساتھ جنگ بندی کی تجاویز قبول کر لیں؟

صیہونی ریاست کا کہنا ہے کہ رفح، حماس کا آخری گڑھ ہے۔
0
120
Ismail Haniyeh'

غزہ: عرب خبررساں ادارے نے دعویٰ کیا ہے کہ حماس نے قطر اور مصر کی جانب سے جنگ بندی کی تجاویز کو قبول کرلیا ہے۔

باغی ٹی وی: عرب خبر رساں ادارے ”الجزیرہ“ نے دعویٰ کیا ہے کہ حماس نے جنگ بندی کی تجاویز کرلی ہیں،حماس نے اس حوالے سے قطری اور مصری مصالحت کاروں کو آگاہ کردیا ہے۔

حماس نے اپنی سرکاری ویب سائٹ پر شائع ہونے والے ایک بیان میں کہا کہ تحریک حماس کے سیاسی بیورو کے سربراہ اسماعیل ہنیہ نے قطر کے وزیر اعظم شیخ محمد بن عبدالرحمٰن الثانی اور مصری انٹیلی جنس کے وزیر عباس کامل کے ساتھ ٹیلی فون پر بات کی اور انہیں حماس کی جانب سے جنگ بندی کے معاہدے کے متعلق تجویز کی منظوری سے آگاہ کیا۔

اسرائیلی فوج کے رفح میں فضائی حملے شروع، 8 بچوں سمیت 26 فلسطینی شہید

ابتدائی طور پر یہ سامنے نہیں آیا کہ جنگ بندی کے معاہدے میں کیا تجاویز شامل ہیں یہ اعلان اسرائیل کی جانب سے ملٹری آپریشن سے قبل فلسطینیوں کو غزہ کے جنوبی قصبے رفح کو خالی کرنے کی ہدایت کے بعد سامنے آیا ہے-

واضح رہے کہ اسرائیلی وزیر اعظم نیتن یاہو نے تصدیق کی کہ ان کی حکومت حماس کے ساتھ جنگ بندی اور یرغمالیوں کی رہائی کے معاہدے پر پہنچنے کے لیے تیار ہے لیکن انہوں نے حماس پر الزام لگایا کہ اس نے ناقابل قبول مطالبات پیش کئے ہیں۔

حماس کے مطالبات تسلیم کرنا اسرائیلی ریاست کے لیے ایک بدترین شکست ہوگی،نیتن یاہو

Leave a reply