ہمارے مسائل اور ان کا علاج تحریر : شاہ زیب

آج بات کریں گے کچھ مسائل کی، ایسے مسائل جو بہت بڑے ہیں۔ جو حل نہیں ہو رہے۔ جن کے لیے انتظامیہ کچھ کر بھی رہی ہے تو نا کافی ہے۔ حکومتی توجہ نام کی چیز چند علاقوں میں نظر آتی ہے۔ کئی بار احتجاج کر کر کے دیکھ لیا۔۔۔
کسی کام کی حکومت نہیں ناکارہ ادارے۔۔۔۔۔۔۔۔۔۔۔

لیکن ذرا رکیں۔۔

کہیں یہ مسائل ہمارے اپنے پیدا کردہ تو نہیں؟

کیا سب ذمہ داری حکومت اور حکومتی اداروں کی ہے؟
نہیں۔۔

کچرا نالوں میں ہم پھینک رہے ہیں حکومت نہیں۔
سڑکوں پر بے ہنگم انداز میں موٹر سائیکل کار بس ٹرک ہم چلاتے ہیں اور نظام حکومت کا خراب

کوئی شخص جرم کا ارتکاب کرے تو پچاس افراد اسے چھڑانے فوری تھانے پہنچ جاتے ہیں۔ لیکن جب کوئی ہمارے ساتھ جرم کر کے یہی کام کرے تو نظام خراب
بازاروں میں جگہ جگہ پارکنگ کی خلاف ورزی، مارکیٹ بناتے ہوئے پارکنگ نہ چھوڑنا۔
گاڑی کو جہاں دل کیا لگا کر شاپنگ شروع۔۔۔۔
ان سب مسائل اور ان سے جڑے ہزاروں مسائل جو درحقیقت ہمارے اپنے پیدا کردہ ہیں ان کو حل بھی ہم کر سکتے ہیں۔
گلیوں کو اپنے گھر کا حصہ سمجھیں۔ گاڑی موٹر سائیکل اپنی لین میں چلائیں۔
جن جگہوں پر ممکن ہے اجتماعی طور پر پیسہ اکھٹا کر کے فلاحی کام مثلاً کوڑا کرکٹ اٹھوانا، سڑک کی مرمت، وغیرہ خود کروا دیں۔
پاکستان کا خیال رکھیں
پاکستانی بنیں۔

‎@shahzeb___