حریم شاہ،وزارت داخلہ کے حرم میں‌پہنچ گئی،اہم انکشافات

لاہور:ٹک ٹاک سٹار،متنازع کردار،مگر بڑے بڑے کرداروالی ملکہ ٹک ٹاک حریم شاہ نے وزارت داخلہ کے حرم میں پہنچ کراپنی حقیقت کا ایک بار پھرپول کھول کرسب کو حیران کردیا ، اطلاعات کے مطابق وزارت داخلہ کے کمیٹی روم میں ویڈیو بنانے کے بعد شہرت پانے والی ٹک ٹاک سٹار حریم شا ہ کےخلاد سنگین دفعات کا مقدمہ درج کرنے کے مطالبے کی قرارداد پنجاب اسمبلی میں جمع کرادی گئی۔

دھوکے ،فریب اور شاترانہ کردارکی حامل حریم شاہ وزارت داخلہ آفس کیسے پہنچیں یہ سوال تو ابھی باقی ہے، مگر یہ ضرور ہے کہ اب حریم شاہ کے خلاف کچھ فیصلے ضرور ہوں گے، اطلاعات کے مطابق حریم شاہ کے اس گھنونے کردار کی وجہ سے اس کے خلاف قرارداد پاکستان مسلم لیگ (ن) کی رکن صوبائی اسمبلی سمیرا کومل کی جانب سے جمع کرائی گئی ہے۔

قرارداد میں کہا گیا ہے کہ حریم شاہ نے وزار خارجہ کے دفتر میں ویڈیو بناکر سیکیورٹی پر سوالیہ نشان کھڑے کردیے ہیں۔قرارداد میں کہا گیا ہے کہ ایک سوشل میڈیا سٹار کی اعلی سرکاری دفتر میں رسائی قابل مذمت ہے۔قرارداد کے مطابق حریم شاہ نے انکشاف کیا کہ وہ وزیر خارجہ شاہ محمود قریشی سے ملنے گئی تھی۔ حریم شاہ نے وزیراعظم کی کرسی پر بیٹھ کر حکومت کی ترجیحات کا بھی پول کھول دیا ہے۔

قرارداد میں مطالبہ کیا گیا ہے کہ حریم شاہ کی وزارت خارجہ کے دفتر میں داخلے کی تحقیقات کی جائیں اور اس کےخلاف سنگین دفعات کے تحت مقدمہ درج کیا جائے۔قرارداد میں مطالبہ کیا گیا ہے کہ حریم شاہ کو دفتر خارجہ تک رسائی دینے والوں کےخلاف بھی کارروائی کی جائے۔

یادرہے کہ کچھ ہفتے قبل ٹک ٹاک کے نام پر شہرت پانے والی ٹکٹکٹائیں‌ پاکستان کے ایک معروف صحافی ،ممتاز اینکرمبشرلقمان کے خلاف بھی پراپیگنڈہ کرچکی ہیں‌،لیکن جب مبشر لقمان نے ان دودھوکہ باز سٹارزکے خلاف قانونی اقدام اٹھانے کا فیصلہ کیا توسزا ڈرسے حریم شاہ اور صندل خٹک نے معافی مانگی اور یہ اقرار کیا کہ انہوں نے سب کچھ کسی کےکہنے پر جھوٹے الزامات لگاءے تھے