ہم اپنی معیشت کی بحالی اور استحکام چاہتے ہیں،عطا تارڑ

سعودی عرب نے بھی تجارت کے فروغ کے لیے اربوں روپے کی سرمایہ کاری کی یقین دہانی کرائی ہے ۔
0
52
tarar ata

اسلام آباد: وفاقی وزیر اطلاعات عطا تارڑ نے کہا ہے کہ پاکستان کی خارجہ پالیسی مزید بہتر ہورہی ہے، پاکستان کو حال ہی میں سلامتی کونسل کی دوبارہ رکنیت ملی ہے-

باغی ٹی وی : اسلام آباد میں تقریب سے خطاب کرتے ہوئے وزیر اطلاعات عطاء تارڑ نے کہا کہ پاکستان ایک ذمہ دار ملک ہے، ہم جنگ نہیں امن چاہتے ہیں، ہمارا ملک 90 فیصد آلودگی سے متاثر ہوا ہے، ہمارے پاس وہ ہے جو بہت سے ممالک کے پاس نہیں ہے، ہمارے پاس 66 فیصد نوجوان ہیں، پاکستان آئی ٹی کے شعبے میں بہت بڑی مارکیٹ ہے، جب کہ حکومت نے فنی تربیت پر توجہ مرکوز کررکھی ہے-

انہوں نے کہا کہ چین میں دو لاکھ طلبہ کو آئی ٹی کی تعلیم دلوانا ہماری بہت بڑی کامیابی ہے ، اب چین پاکستان کے طلبہ کو زرعی شعبہ میں جدید تعلیم فراہم کرے گا، ہماری آئی ٹی ایکسپورٹ بڑھ رہی ہے، پاکستان انفارمیشن ٹیکنالوجی کی بہت بڑی مارکیٹ ہے ، پاکستان کی معیشت بھی آئی ٹی کے ساتھ جڑی ہوئی ہے ،ہم اپنی معیشت کی بحالی اور استحکام چاہتے ہیں، ہم سی پیک اپ گریڈ ویژن کی طرف جارہے ہیں تاکہ خطے میں زیادہ سے زیادہ روزگار کے مواقع پیدا ہوں۔

بہت جلد چین سے اعلیٰ سطح کا وفد پاکستان آرہا ہے،وزیراعظم شہباز شریف

وفاقی وزیر اطلاعات نےکہا کہ پاکستان کی خارجہ پالیسی مزید بہتر ہورہی ہے، پاکستان کو حال ہی میں سلامتی کونسل کی دوبارہ رکنیت ملی، ہم جنگ نہیں امن چاہتے ہیں ، ہم اپنے ہمسایوں سے بہترین تعلقات چاہتے ہیں، مشرق وسطیٰ پاکستا ن کو اتحادی سمجھتا ہے، ایرانی صدرکا دورہ پاکستان انتہائی کامیاب رہا تھا، ہم ایران کے ساتھ اچھے تعلقات قائم کرنا چاہتے ہیں، ایرانی صدر نے 10ارب تک سرمایہ کاری بڑھانے پر اتفاق کیا ،سعودیہ کے اعلیٰ سطح کے وفد نے پاکستان کا دورہ کیا، جو ہمارے لیے بہت اہمیت کا حامل ہے ، سعودی عرب نے بھی تجارت کے فروغ کے لیے اربوں روپے کی سرمایہ کاری کی یقین دہانی کرائی ہے ۔

سینیٹر سلیم مانڈوی والا سینیٹ قائمہ کمیٹی برائے خزانہ چیئرمین منتخب

Leave a reply