ملاوی فوج کی نائب صدر کا طیارہ جنگل میں گر کر تباہ ہونے کی تصدیق

خرابی موسم کے باعث امدادی کام تعطل کا شکار ہیں
0
55
africa

ملاوی: افریقی ملک ملاوی کی فوج نے گزشتہ روز لاپتا ہونے والے ملٹری ایئرکرافٹ کی ممکنہ طور پر ایک جنگل میں گرکر تباہ ہونے کی تصدیق کی ہے-

باغی ٹی وی : عالمی خبر رساں ادارے کے مطابق ملاوی فوج کے کمانڈر پال ویلینٹینو فیری نے میڈیا کو بتایا نائب صدر ساؤلوس کلاؤس چلیما اور 9 دیگر اعلیٰ حکام کو لے جانے والے فوجی طیارے کے گھنے جنگل چکان گاوا میں گر کر تباہ ہونے کے شواہد ملے ہیں، طیارے کی جیو فینسنگ، ریڈار سے غائب ہونے کے مقام اور عینی شاہدین کے بیانات سے اس بات کو تقویت ملتی ہے کہ طیارہ چکان گاوا کے جنگل میں گر کر تباہ ہوگیا-

انہوں نے کہا کہ خراب موسم، حد نگاہ میں کمی اور دھند کے باعث چکان گاوا جنگل میں امدادی کاموں میں شدید رکاوٹ کا سامنا ہے، طیارے کی ملبے کو تاحال تلاش نہیں کیا جا سکا،طیارے کے حادثے کی وجہ بھی یہی موسم کی خرابی ہوسکتی ہےہوسکتا ہے طیارہ کسی چوٹی یا درخت سے ٹکرانے کے بعد جنگل میں گرگیا ہو، ایسے کئی اور امکانات بھی ہوسکتے ہیں۔

افریقی ملک کے نائب صدر کا طیارہ لاپتہ ہو گیا

دوسری جانب صدر لازارس چکویرا نے کہا کہ طیارے کی تلاش کے لیے امریکا، برطانیہ، ناروے اور اسرائیل سمیت مختلف ممالک سے رابطہ کیا ہے جنہوں نے طیارہ سرچ آپریشن کے لیے “مختلف صلاحیتوں میں” تعاون کی پیشکش کی تھی خرابی موسم کے باعث امدادی کام تعطل کا شکار ہیں لیکن طیارے کے ملنے تک ریسکیو مشن جاری رہے گا۔

ہم اپنی معیشت کی بحالی اور استحکام چاہتے ہیں،عطا تارڑ

واضح رہے کہ ملاوی کے نائب صدر 51 سالہ ڈاکٹر ساؤلوس کلاؤس چلیما سابق حکومتی وزیر رالف کسامبارا کی تدفین میں شرکت کے لیے طیارے میں جا رہے تھے، جس میں سابق خاتون اول شانیل زیمبری سمیت 10 اعلیٰ حکام سوار تھےطیارے نے پیر کی صبح دارا لحکومت لیلونگوے سے بھری تھی اور کچھ دیر بعد طیارے کا رابطہ کنٹرول ٹاور سے منقطع ہوگیا تھا اور 24 گھنٹے گزر جانے کے باوجود طیارے کا کوئی سراغ نہیں مل سکا ہے۔

روسی خلا باز نے خلا میں ایک ہزار دن گزارنے کا اعزاز اپنے نام کرلیا

Leave a reply