افغانی گوشت بنانے کا طریقہ

اجزاء:
گوشت 1کلو چھوٹی بوٹیاں
دھنیا پاؤڈر دو کھانے کے چمچ پسا ہوا
ادرک دو چائے کے چمچ پسی ہوئی
ہری مرچیں 10 عدد
کالی مرچ 2 کھانے کے چمچ
آلو آدھا کلو گول گول کاٹ لیں
پیاز 6 عدد لچھے دار کاٹ لیں
ٹماٹر 8 عدد گول گول سلائس کر لیں
نمک حسب ذائقہ
تیل 1 کپ
پانی 4 گلاس

ترکیب:
گوشت کو اچھی طرح دھو کر تھوڑی دیر کے لیے رکھ دیں تاکہ اس کا پانی نکل جائے پھر ایک پتیلی میں چار کھانے کے چمچ تیل گرم کریں پھر اس میں گوشت دھنیا پاؤڈر ادرک اور نمک شامل کر کے اچھی طرح مکس کر کے اتنا پکائیں کہ پانی خشک ہو جائے پھر اس میں 4 گلاس پانی شامل کردیں اور ڈھک دیں اور ہلکی آنچ پر اتنا پکائیں کہ گوشت گل جائے اور پانی تقریبا ایک گلاس رہ جائے تو چولہے سے اتار لیں ایک پین میں باقی تیل ڈال کر گرم کریں اور اس میں آلو فرائی کریں اور ہلکا سا نمک ڈال دیں آلو زیادہ فرائی نہیں کرنے پیاز اور ٹماٹر کو بھی الگ الگ دو دو منٹ فرائی کر لیں اب پکے ہوئے گوشت پر آلو کی تہہ بچھا دیں اور اس پر کالی مرچ ڈال دیں اسی طرح پیاز اور ٹماٹر کی بھی تہہ لگا دیں اور سب سے اوپر ہری مرچیں لمبی لمبی کاٹ کر اس کی تہہ بچھا دیں اور کالی مرچ ڈال دیں اور ہلکی آنچ پر دم پر رکھ دیں جب آلو گل جائیں تو چولہے سے اتار لیں مزیدار افغانی گوشت تیار ہے