اجزاء:
دودھ آدھا کلو
لیموں ڈیڑھ کھانے کا چمچ
میدہ 1 کھانے کا چمچ
چینی 1 کپ
پانی ڈیڑھ کپ
ترکیب:
ایک پتیلی میں دودھ گرم کریں جب دودھ میں ابال آنے لگے تو اس میں لیموں کا رس ڈال کر چمچ ہلائیں پانچ منٹ پکنے دیں تا کہ دودھ اچھی طرح پھٹ جائے پھر اسے ٹھنڈا ہونے کے لیے رکھ دیں پین میں چینی اور پانی ڈال کر شیرہ پکا لیں پھٹے ہوئے دودھ کو ململ کے کپڑے میں ڈال کر اوپر سے پانی ڈالیں تا کہ لیموں کا کھٹا پن نکل جائے اور پھر اچھی طرح نچوڑ لیں اب اس پنیر کو باؤل میں ڈال کر اس میں میدہ شامل کر کے اچھی طرح مکس کریں اور پانچ چھ منٹ مسلیں پھر چھوٹے چھوٹے بالز بنا لیں بالز میں کریک نہ ہوں ورنہ رس گلے پھٹ جائیں گے جب سارے بالز بن جائیں تو انھیں شیرے میں ڈال دیں اور 7 منٹ تیز آنچ پر پکائیں پھر 3 منٹ ہلکی آنچ پر پکنے دیں پھر شیرے میں سے نکال کر کسی ڈش میں ڈال دیں ٹھنڈا کر کے کھانے کے لیے پیش کریں
