جعلی پاسپورٹس تحقیقات؛ حکام کی ملی بھگت کا انکشاف

جعلی پاسپورٹس تحقیقات میں کچھ اہم پیشرفت ہوئی ہے جس کے مطابق ایجنٹوں نے حکام بالا کی ملی بھگت سے مبینہ طور پر جعلی پاسپورٹس تیارکروائے تھے اور اسی بنیاد پر مشکوک غیرملکی افغان شہریوں نے سعودی عرب کا سفرکیا تھا جبکہ اس معاملے پر وزارت داخلہ کی پانچ رکنی اعلیٰ سطحی کمیٹی تحقیقات کر رہی ہے اور کمیٹی کے ذرائع سے معلوم ہوا ہے کہ ایجنٹوں نے حکام بالا کی ملی بھگت سے مبینہ طور پر جعلی پاسپورٹس تیارکروائے اور انہی مدد سے یہ سارا کام ہوا ہے اور اس میں فرضی وجعلی ڈیٹا پر شناختی کارڈ بنوائے گئے تھے۔

تاہم ذرائع نے بتایا ہے کہ فرضی و جعلی ڈیٹا پر بنے شناختی کارڈ کے ذریعے پاسپورٹس کو پراسس کروایا گیا تھا اور مبینہ جعلی پاسپورٹس پرمختلف ٹریول ایجنٹوں کے ذریعے ویزے لگوائے گئے تھے جبکہ اس معاملے میں بارہ ہزار 96 مبینہ جعلی پاسپورٹ پرمشکوک غیرملکی افغان شہریوں نے سعودی عرب کا سفرکیا تھا اور سعودی عرب نے یہ پاسپورٹس ریاض میں پاکستانی حکام کے حوالے کردیئے تھے۔
مزید یہ بھی پڑھیں؛
راولپنڈی پشاور کےدرمیان ریلوے کے کرائے روڈ ٹرانسپورٹ سے بھی زیادہ
یاد رہے کہ وزارت داخلہ کی جانب سے قائم کی جانے والی انکوائری کمیٹی نے پاکستان کے 12 ہزار96 مبینہ جعلی پاسپورٹس کے اجراء کی تحقیقات کا آغاز کیا تھا جبکہ وزارت داخلہ کی جانب سے تحقیقات کا آغاز سعودی حکومت کی شکایت پرکیا گیا تھا اور جعلی پاکستانی پاسپورٹ پاسپورٹ پرسعودی عرب جانے والوں کی فہرستیں تحقیقاتی کمیٹی کوموصول ہوگئی تھیں