حکومت جاتی ہے تو جائے، اپنی نہیں کمزوروں کی جنگ لڑرہا ہوں:کسی سے بلیک میل نہیں ہوں گے، وزیراعظم

اسلام آباد:حکومت جاتی ہے تو جائے، اپنی نہیں کمزوروں کی جنگ لڑرہا ہوں:کسی سے بلیک میل نہیں ہوں گے، اطلاعات کے مطابق وزیراعظم عمران خان نے کہا ہے کہ سی سے بلیک میل نہیں ہوں گے اور احتساب کا عمل جاری رہے گا۔

وزیراعظم عمران خان کی سربراہی میں تحریک انصاف کی کور کمیٹی کا اجلاس ہوا جس میں معاشی صورتحال، آزاد کشمیر انتخابات، بجٹ اور احتساب کے معاملے پر گفتگو کی گئی۔ اجلاس میں وزیراعظم کو ترین گروپ سے ہونے والی ملاقات پر وزیراعلیٰ پنجاب نے آگاہ کیا۔

ذرائع کے مطابق کورکمیٹی اجلاس میں اتفاق کیا گیا کہ جائز مطالبات تسلیم ہوں گے۔وزیراعظم نے اس موقع پر کہا کہ وہ اپنی نہیں اس ملک کے کمزوراوربے بسوں کی جنگ لڑرہےہیں ، عمران‌خان نے کہا کہ احتساب کا عمل جاری رہے گا اور کسی سے بلیک میل نہیں ہوں گے۔

ان کا کہنا تھاکہ حکومت جاتی ہے تو جائے کوئی غلط فہمی میں نہ رہے، کسی دباؤ میں نہیں آئیں گے اور قانون کی حکمرانی کو یقینی بنائیں گے۔

ذرائع کا کہنا ہے کہ اجلاس میں آزادکشمیرکے انتخابات کی تیاریوں پر بھی گفتگو کی گئی جبکہ وزیراعظم نے آزادکشمیر انتخابات کیلئے تیاریاں تیز کرنے کی ہدایت کی۔ذرائع کا کہنا ہے کہ وزیراعظم نے گفتگو میں کہا کہ تحریک انصاف آزادکشمیر کے انتخابات میں واضح کامیابی حاصل کرے گی۔