عمران خان واپس زمان پارک لاہور پہنچ گئے

0
25
imran khan

لاہور: سابق وزیراعظم عمران خان توشہ خانہ کیس میں پیشی کے بعد اسلام آباد سے زمان پارک لاہور واپس پہنچ گئے۔

باغی ٹی وی: عمران خان توشہ خانہ کیس میں پیشی کیلئے اسلام آباد کی جوڈیشل کمپلیکس گئے تھے جہاں پی ٹی آئی کارکنوں اور پولیس کے درمیان تصادم ہوا۔

چینی صدراگلے ہفتے سرکاری دورے پر روس روانہ ہوں گے

عدالت نے عمران خان کی گاڑی میں حاضری لگانے کی استدعا منظور کی تھی جس کے بعد وہ واپس لاہورروانہ ہوگئے تھے،تاہم اب عمران خان لاہور میں اپنی رہائش گاہ زمان پارک پہنچ گئے جہاں کارکنوں نے ان کا شاندار استقبال کیا اور پھولوں کی پتیاں نچھاور کیں۔

پی ٹی آئی کارکنوں کی بڑی تعداد زمان پارک میں موجود ہے عمران خان نے عدالت میں پیشی پر آنے والے کارکنوں اور رہنماؤں سے اظہار تشکر کیا۔

پی ٹی آئی چیئرمین نے کہا کہ حکمرانوں کا مقصد انتخابات ختم ہونے تک انہیں جیل بھیجنا ہے، ان پر 96 کیسز پہلے ہی ہیں، آج کی پیشی کے بعد امید ہے سنچری مکمل ہوجائے گی۔

عمران خان نے زمان پارک میں پولیس کی کارروائی کو توہین عدالت قرار دیا۔

واضح رہے کہ سیشن عدالت نے 31 جنوری کو عمران خان پر فردِجرم عائد کرنے کے لیے تاریخ مقرر کی تھی۔ مسلسل عدم حاضری پر سیشن عدالت نے 28 فروری کو عمران خان کے ناقابلِ ضمانت وارنٹ گرفتاری جاری کیے تھے۔

ڈونلڈ ٹرمپ بھی توشہ خانہ کیس میں پھنس گئے،غیر ملکی تحائف کا ریکارڈ ظاہر کرنے …

عمران خان کی گاڑی جوڈیشل کمپلیکس میں داخل ہوئی ان کے ساتھ ورکرز بھی منع کرنے کے باوجود ان کے ساتھ داخل ہوگئے، جس کے بعد اسلام آباد پولیس نے ان کارکنان پر لاٹھی چارج کیا گیا اسلام آباد پولیس پر ڈنڈا بردار کارکنوں نے پتھراؤ کیا، پیٹرول بموں سے حملے کیے، پچیس سے زیادہ گاڑیوں اور موٹر سائیکلوں کو آگ لگا دی ، ایک گاڑی بھی الٹا دی۔

پولیس بس پر پتھر مارے، غلیلیں چلائیں،پولیس نے جوابی شیلنگ کی، تحریک انصاف کے کارکنوں نے پتھراؤ کے ساتھ پولیس پر آنسو گیس کے شیل بھی برسائے، 35 پولیس اہل کاروں سمیت چالیس افراد زخمی ہوئے۔

پولیس ذرائع کے مطابق کارکنوں نے گلگت بلتستان پولیس کے شیل استعمال کیے، آئی جی اسلام آباد نے کہا کہ پولیس پر شیلنگ ہمارے لیے ایک نئی چیز ہے، کارکنوں نے جوڈیشل کمپلیکس کا بیریئر اور دروازہ توڑ دیا، شدید پتھراؤ کا سامنا کرنے کے بعد پولیس نے لاٹھی چارج اور شیلنگ کی جوڈیشل کمپلیکس کے اندر بھی کارکنوں نے پتھراؤ کیا، کمرہ عدالت کے اطراف بھی آنسو گیس کا دھواں پھیل گیا تھا۔

محب وطن اور عظیم اداروں سے درخواست ہے ملک کو خانہ جنگی سے بچائیں،شیخ رشید

پولیس پی ٹی آئی رہنماؤں شبلی فراز اور فرخ حبیب کو پتھراؤ سے بچاتی رہی، شیلڈز کا کور دیتی رہی، شیلنگ سے شبلی فراز کی طبیعت خراب ہوگئی اور وہ اسپتال پہنچ گئے ڈاکٹروں کا کہنا تھا کہ شیلنگ سے شبلی فراز کے پھیپھڑے متاثر ہوئے۔

Leave a reply