باغی ٹی وی کی رپورٹ کے مطابق سابق وزیراعظم عمران خان نے جیو ٹی وی اور شاہزیب خانزادہ پر برطانیہ، عرب امارات میں قانونی کاروائی کا اعلان کیا ہے
سماجی رابطے کی ویب سائٹ ٹویٹر پر ٹویٹ کرتے ہوئے عمران خان کا کہنا تھا کہ بس بہت ہوگیا! کل جیو اور خانزادہ نے سرپرستوں کی مدد سے ایک مشہورِ زمانہ دھوکے باز اورعالمی سطح پرمطلوب مجرم کی تراشی گئی بے بنیاد کہانی کے ذریعے مجھ پر بہتان تراشی کی۔ میں نے اپنے وکلاء سے بات کی ہے اور میں جیو، خانزادہ اور اس دھوکے باز کیخلاف پاکستان میں ہی نہیں بلکہ برطانیہ اور متحدہ عرب امارات میں بھی قانونی چارہ جوئی کا ارادہ رکھتا ہوں۔
عمران خان جواب دیں کہ جوتحفے سعودی ولی عہد نے دیے وہ عمر فاروق کے پاس کیوں ہیں؟ شاہزیب خانزادہ
دوسری جانب شاہزیب خانزادہ کا کہنا ہے کہ سوال پوچھنا ہمارا فرض ہے، ہم نے عمران خان صاحب سے سوالات پوچھے ہیں، عمرفاروق ظہور کا اپنا موقف ہے ،عمران خان نے عمر فاروق سے متعلق کہا کہ وہ فراڈ ہیں ،عمران خان جواب دیں کہ جوتحفے سعودی ولی عہد نے دیے وہ عمر فاروق کے پاس کیوں ہیں،عمران خان یہ نہیں بتارہے کہ تحفے فراڈ آدمی کے پاس کیسے پہنچے؟ ہم نے عمران خان سمیت تحریک انصاف کے رہنماؤں کو جواب دینے کا موقع دیا، عمران خان جہاں مقدمہ کرنا چاہتے ہیں کریں
واضح رہے کہ گزشتہ روز جیو ٹی وی پر شاہزیب خانزادہ نے پروگرام کیا تھا جس میںعمران خان کو سعودی ولی عہد سے ملنے والے قیمتی تحائف خریدنے والے دبئی کی کاروباری شخصیت عمر فاروق تحائف کے ساتھ سامنے آئے تھے،عمر فاروق کا کہنا ہے کہ عمران خان نے سعودی ولی عہد سے ملنے والی قیمتی گھڑی دبئی میں فرح خان کے ذریعے بیچی، پانچ سے چھ ملین ڈالر کی گھڑی دو ملین ڈالر میں فروخت کردی گئی۔گھڑی کے خریدار کا کہنا تھا کہ سابق وزیراعظم عمران خان کے مشیر احتساب شہزاد اکبر نے مجھ سے رابطہ کیا اور فرح خان گھڑی لے کرآئیں، میں نے گھڑی ساز کمپنی سے تصدیق کرائی تو ان کا کہنا تھا کہ 5 سے 6 ملین ڈالر میں مل جائے تو اچھی ڈیل ہے تاہم انہوں نے میرے ساتھ 2 ملین ڈالر میں ڈیل کی۔
عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔
ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’
اکبر ایس بابر سچا اور عمران خان جھوٹا ثابت ہوگیا،چوھدری شجاعت
عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ
جھوٹ پھیلانے والا رنگے ہاتھوں پکڑا گیا ،عمران خان کی نااہلی پر بلاول کا ردعمل
گھڑی چوری کیس میں سزا ہوگی، قید بھی ہوسکتی ہے، عطا تارڑ
