باغی ٹی وی کی رپورٹ کے مطابق اعظم خان نے سائفر بیانیہ سے متعلق عمران خان کا جھوٹ بے نقاب کیا ہے، اعظم خان کے بیان کے بعد عمران خان کا بھی ردعمل سامنے آیا ہے
عمران خان آج اسلام آبا دمیں ہیں اور عدالتوں میں پیش ہو رہے ہیں، عدالت پیشی کے دوران عمران خان سے صحافیوں نے سوال کیا کہ اعظم خان نے سائفر بارے بیان ریکارڈ کروایا ہے جس پر عمران خان نے جواب دیتے ہوئے کہا کہ جب تک اعظم خان کے منہ سے نہیں سُنوں گا تب تک نہیں مانوں گا، اعظم خان ایماندار آدمی ہے،
https://twitter.com/BaaghiTV/status/1681604970586710016
اعظم خان سے منسوب بیان پر پاکستان تحریک انصاف کا ردعمل سامنے آیا ہے،ترجمان تحریک انصاف کا کہنا ہے کہ گزشتہ ایک ماہ سے لاپتہ سابق پرنسپل سیکرٹری اعظم خان سے منسوب غیرمصدقہ بیان تضادات کا مجموعہ ہے۔اعظم خان کے بیان کی حقیقت تو ابھی طے ہونا باقی ہے مگر یہ ایک حقیقت ہے کہ وہ 17 جون سے لاپتہ ہیں۔اعظم خان کی گمشدگی کا باضابطہ مقدمہ درج ہے اور وفاقی پولیس انہیں تلاش کرنے میں تاحال ناکام ہے۔ایک گمشدہ شخص کی جانب سے مجسٹریٹ کے روبرو 164 کے بیان کا ریکارڈ کروایا جانا ماہرینِ قانون کی نگاہ میں ناقابلِ تصّور ہے۔لاپتہ شخص کے مبیّنہ طور پر 164 کے بیان کے مندرجات کا خلافِ قانون افشاء اپنی نوعیّت کا ایک الگ جُرم ہے۔اعظم خان کا مبیّنہ بیان اسی سلسلے کی کڑی دکھائی دیتی ہے جس سے زیرِحراست افراد ”استحکام“ یا “پارلیمٹرینز“ کی صفوں میں سے برآمد یا پریس کلبز سے بازیاب ہوتے ہیں۔چیئرمین عمران خان صراحت سے قوم کو بتا چکے ہیں کہ ملک میں جاری جبری گمشدگیوں اور غیرقانونی گرفتاریوں کے حقیقی محرکات کیا ہیں۔ چیئرمین عمران خان قوم کو آگاہ کر چکے ہیں کہ کیسے انہیں سیاست سے باہر کرنے کیلئے طاقت اور جبر کے بَل پر ”وعدہ معاف“ گواہ تیار کرنے کی کوششیں جاری ہیں۔نہایت عجلت اور فرسٹریشن میں ذرائع ابلاغ کو جاری کیا گیا ، ”سکرپٹ“ سائفر پر ریاستی مؤقف کیلئے تباہ کن ہے ،قومی سلامتی کمیٹی دو مختلف وزرائے اعظم(عمران خان اور شہبازشریف) کی صدارت میں ہونے والے اجلاسوں میں سائفر کے مندرجات کی تصدیق کرچکی ہے ،قومی سلامتی کمیٹی کے دو مختلف ادوار میں ہونے والے اجلاسوں میں پوری سول و عسکری قیادت نے سائفر کو ”پاکستان کے اندرونی معاملات میں صریح مداخلت“ قرار دیا اسی سائفر کی بنیاد پر امریکہ کو اسلام آباد اور واشنگٹن میں ڈیمارش کیا گیا ،قومی سلامتی کمیٹی کے اجلاس سے قبل کابینہ کے خصوصی اجلاس نے سائفر کا جائزہ لیا اور اسے ڈی کلاسیفائی کیا۔سپیکر قومی اسمبلی اور صدرِمملکت نے سائفر پر جامع اور مؤثر تحقیقات کیلئے محترم چیف جسٹس آف پاکستان سے سفارشات کیں ،چیئرمین تحریک انصاف نے پہلے بطور وزیراعظم اور بعدازاں ملک کی سب سے بڑی پارلیمانی اور عوامی جماعت کے سربراہ کے طور پر سائفر کی اعلیٰ سطحی تحقیقات کا مطالبہ کیا ،ملک میں آزادی اظہار کے قتل میں سہولتکار پیمرا غیرمصدقہ اطلاعات کی قومی میڈیا پر نمائش و تشہیر پر کیوں خوابِ ذلّت کا لطف اٹھا رہا ہے ،وفاقی حکومت افواہ سازوں اور جھوٹے بیانیوں کے کارخانے چلانے کی بجائے اعظم خان کے حوالے سے عدالت اور قوم کو حقیقت سے آگاہ کرے ،بتایا جائے اعظم خان کس کی تحویل میں ہیں، انہیں کس مقدمے میں گرفتار اور ان کا بیان ریکارڈ کیا گیا .
واضح رہے کہ اعظم خان نے سائفر سے متعلق بیان ریکارڈ کروا دیا ہے اعظم خان نے سائفر سے متعلق اہم انکشافات کر دیئے عمران کے پرنسپل سیکرٹری اعظم خان نے سائفر ڈرامہ بے نقاب کر دیا ،عمران نے تمام ترحقائق کو چھپا کر سائفر کا جھوٹا اور بے بنیاد بیانیہ بنایا تحریک عدم اعتماد سے بچنے کیلئے سائفر کو بیرونی سازش کا رنگ دیا عمران نے کہاسائفر کو غلط رنگ دے کر عوام کا بیانیہ بدل دوں گا،اعظم خان نے دفعہ 164 کے تحت مجسٹریٹ کے سامنے عمران خان کے خلاف بیان ریکارڈ کروا دیا ، اعظم خان نے کہا کہ عمران خان نے مجھ سے سائفر 9 مارچ کو لیا اور پھر کہا سائفر گم ہو گیا ہے، ایک خفیہ سرکاری دستاویز کو سیاسی مقاصد کے لئے استعمال کیا اور جھوٹا بیانیہ بنایا،سائفر کے جھوٹے بیانیے کا پلان عمران خان، شیریں مزاری اور دو مزید لوگوں نے بنایا
طیبہ گل ویڈیو اسکینڈل،میں خاتون سے نہیں ملا، اعظم خان مکر گئے
نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات
بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار
ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا
فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں
پبلک اکاؤنٹس کمیٹی نے سابق پرنسپل سیکرٹری اعظم خان کے وارنٹ گرفتاری جاری کردیے
