عمران خان کی سزاؤں کے خلاف اپیلیں دائر

لطیف کھوسہ نہیں ،عمران خان کی اپیل میں اور سلمان صفدر دائر کریں گے، بیرسٹر علی ظفر
اسلام آباد ہائیکورٹ،عمران خان کی لیگل ٹیم میں روابط کا فقدان سامنے آگیا۔عمران خان نے سزاؤں کیخلاف اسلام آباد ہائیکورٹ سے رجوع کرلیا ہے، لطیف کھوسہ کا میڈیا کو بیان، بیرسٹر علی ظفر نے لطیف کھوسہ کی ہی تردید کردی کہا اپیلیں وکیل سلمان صفدر دائر کریں گے، لطیف کھوسہ بانی پی ٹی آئی کے وکیل نہیں ہیں۔

بیرسٹر علی ظفر کا کہنا تھا کہ کھوسہ صاحب اس کیس میں وکیل نہیں ہیں، سائفر کیس اور توشہ خانہ کیس کی اپیلیں میں دائر کر رہا ہوں، سلمان صفدر میرے ساتھ ہیں، ہم لوگ فائل کر رہے ہیں میں اسی کے لئے آیا ہوں، اپیل جب فائل ہو جائے گی کاپیاں دے دوں گا کوشش ہو گی کہ منگل تک کیس لگ جائے، اپیل ابھی تک دائر نہیں ہوئے، لطیف کھوسہ کو کوئی غلط فہمی ہوئی ہے،

بعد ازاں عمران خان نے توشہ خانہ اور سائفر کیس میں سزاؤں کے اپیلیں اسلام آباد ہائیکورٹ میں دائر کر دیں بیرسٹر سلمان صفدر اور بیرسٹر علی ظفر کی جانب سے دائر اپیلوں میں سزاؤں کو کالعدم قرار دینے کی استدعا کی، اپیلوں کے حتمی فیصلے تک عمران خان نے سزا معطل کرکے ضمانت پر رہائی کی بھی استدعا کی گئی

قبل ازیں سائفرکیس، توشہ خانہ کیس میں سزا کیخلاف بانی تحریک انصاف نے عدالت سے رجوع کر لیا،تحریک انصاف کے رہنما ،لطیف کھوسہ کا کہنا ہے کہ ہم نے بانی پی ٹی آئی کی سزا کے خلاف اپیلیں دائر کردی ہیں ، سائفر کیس اور توشہ خانہ کیس میں سزا کے خلاف اپیلیں دائر کی ہیں ، عدت کیس کی اپیل سیشن کورٹ میں دائر کی ہے،تینوں کیسز میں اپیل دائر کر دی ہیں،

سائفر کیس کا فیصلہ 30 جنوری ، توشہ خانہ نیب کیس کا فیصلہ 31 جنوری کو سنایا گیا تھا ،3 فروری کو دوران عدت نکاح کیس کا فیصلہ سیشن عدالت نے سنایا تھا ،دو ہفتے گزرنے کے بعد بانی پی ٹی آئی کی سزا کے خلاف اپیلیں دائر کی گئی ہیں،دوران عدت نکاح کیس میں عمران خان اور ان کی اہلیہ کو عدت میں نکاح کیس میں سزا سنا دی گئی،عمران خان اور بشری بی بی کا نکاح غیر شرعی قرار دے دیا گیا،عمران خان اور بشری بی بی کو 7،7 سال قید اور 5 لاکھ جرمانہ کی سزا سنا دی گئی،

واضح رہے کہ ‏توشہ خانہ کیس: عمران خان اور بشریٰ بی بی کو 14، 14 سال کی سزا سنا دی گئی.احتساب عدالت کے جج محمد بشیر نے عمران خان اور بشریٰ بی بی کو سزا سنائی،توشہ خانہ کیس میں عدالت نے عمران خان اور بشری بی بی کو 787 ملین جرمانہ بھی کیا،عدالت نے عمران خان اور بشریٰ بی بی کو عوامی عہدے کیلئے10 سال کیلئے نااہل کردیا.عدالت نے بشری بی بی کو گرفتار کرنے کا حکم جاری کر دیا.جس وقت فیصلہ سنایا گیا بشریٰ بی بی عدالت میں موجود نہیں تھی،

قبل ازیں سائفر کیس کی خصوصی عدالت نے کیس میں بانی پی ٹی آئی عمران خان اور شاہ محمود قریشی کو 10،10 سال قید با مشقت کی سزا سنادی،خصوصی عدالت کے جج ابوالحسنات ذوالقرنین نے عمران خان اور شاہ محمود قریشی کو سزا سنائی۔

سائفر کیس، آج مایوسی ہوئی، عدالت کو کہا فیصلے کو منوائیں، وکیل عمران خان

سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی

سائفر کیس، شاہ محمود قریشی کی درخواست ضمانت مسترد

اسلام آباد ہائیکورٹ کا سائفر کیس کی سماعت روکنے کا حکم

سائفر کی ماسٹر کاپی وزارت خارجہ کے پاس موجود ہے،اعظم خان کا بیان

عمران خان اور جیل سپرنٹنڈنٹ کے درمیان تلخ جملوں کا تبادلہ