26 ویں آئینی ترمیم، پی ٹی آئی رہنماؤں بیرسٹر گوہر اور سلمان اکرم راجہ نے اڈیالہ جیل میں عمران خان اور بعد ازاں مولانا فضل الرحمان سے ملاقات کے بعد پریس کانفرنس کی ہے
بیرسٹر گوہر علی خان کا کہنا تھا کہ بانی پی ٹی آئی عمران خان سے ملاقات میں آئینی ترامیم پر مشاورت ہوگئی ہے، عمران خان کو 2 ہفتہ سے اخبار نہیں دیا گیا، ٹی وی نہیں، عمران خان کو کسی چیز کا پتہ نہیں، عمران خان نے اپنی بہن کی گرفتاری پر کہا میرا خاندان اور میں قربانی دوں گا،عمران خان نے پہلی مرتبہ آج اپنے سیل کی حالت بتائی ہے عمران خان نے کہا میرے سیل کی بجلی 5 دن بند رکھی گئی مجھے دو ہفتوں سے اخبار نہیں دیا گیا خان صاحب کو دو ہفتے ورزش نہیں کرنے دی گئی ٹی وی کی سہولت سے محروم رکھا گیا،عمران خان نے کہا کہ ان کو دو نہیں ایک ڈاکٹر چیک کرنے آیا، بانی پی ٹی آئی نے کہا جیل میں 100سال بھی رہنا پڑا،رہوں گا،عمران خان نے مولانا کی تعریف کی ہے، ڈیڑھ گھنٹے کی ملاقات ہونی تھی لیکن 45 منٹ بعد ملاقات ختم کرا دی گئی ہے ،عمران خان نے اپنی بہنوں کی گرفتاریوں پر اظہار افسوس کیا ،عمران خان خان کے حقوق کا خیال نہیں رکھا جا رہا ۔ ہم سخت الفاظ میں مذمت کرتے ہیں۔خان صاحب علی امین گنڈا پور کیساتھ کھڑے ہیں۔ علی امین کو عمران خان کی سپورٹ حاصل ہے۔عمران خان نے چار رہنماؤں کو ملاقات کے لیے بلا لیا ،علی امین گنڈا پور ،عمر ایوب ،شبلی فراز اور احمد خان بھچر،اب ان کی ملاقات کرانے کی کوشش کی جائے گی ،
حکومت کو چاہیے کہ زور زبردستی کے بجائے اتفاق رائے سے آئینی ترمیم کے عمل کوآگے بڑھائے،بیرسٹر گوہر
بیرسٹر گوہر کا کہنا تھا کہ عمران خان آئین کی بالادستی چاہتے ہیں، عمران خان نے مولانا فضل الرحمان سے بات چیت جاری رکھنے کا کہا ہے ،45منٹ صرف ملاقات ہوئی اور پولیس نے کہا ٹائم ختم ہوگیا، ہماری مشاورت مکمل نہیں ہوئی ہے، عمران خان نے کہا یہ اہم معاملہ ہے، ہم مزید انگیجمنٹ مولانا کیساتھ جاری رکھیں گے، بانی پی ٹی آئی کے حتمی فیصلے کے بغیرہم ووٹنگ میں حصہ نہیں لے سکتے،کوشش کریں گے سوموار کو بانی پی ٹی آئی سے دوبارہ ملاقات کریں،حکومت کو چاہیے کہ زور زبردستی کے بجائے اتفاق رائے سے آئینی ترمیم کے عمل کوآگے بڑھائے،ہمارے طرف سے پیش کیے گئے مسودے کو بانی پی ٹی آئی نے مثبت انداز میں لیا،عمران خان نے آئینی ترمیم پر مشاورت کیلئے مزید وقت مانگ لیا ہے، سوموار کو علی امین گنڈا پور اور دیگر رہنماؤں کو بھی بلایا ہے،
عمران خان نے پی ٹی آئی وفد سے بات چیت کرتے ہوئے کہا کہ پریشر نہ لیں، عمران خان نے پی ٹی آئی وفد سے گفتگو کے دوران اُنہیں حوصلہ دیا۔ عمران خان کا کہنا تھا کہ 100 سال بھی جیل میں گزارنا پڑے تو گزاروں گا، آئین کی بالادستی کیلئے کھڑا رہوں گا، پر امن رہیں،میں پیچھے نہیں ہٹوں گا، میں کسی چیز پر قوم کی عزت و خودمختاری پر کمپرومائز نہیں کروں گا،عمران خان نے جیل میں پی ٹی آئی رہنماؤں سے ملاقات کے دوران جے یو آئی سربراہ مولانا فضل الرحمان کا شکریہ بھی ادا کیا.
قبل ازیں اڈیالہ جیل کے کانفرنس روم میں پی ٹی آئی رہنماؤں کی عمران خان سے ملاقات کروائی گئی،عمران خان کو بھی سیل سے کانفرنس روم لایا گیا تھا، بیرسٹر گوہر ،سلمان اکرم راجہ، بیرسٹر علی ظفر، صاحبزادہ حامد رضا اور اسد قیصر اڈیالہ جیل میں عمران خان سے ملاقات کرنے والوں میں شامل ہیں، پی ٹی آئی رہنما ؤں نےعمران خان سے مجوزہ آئینی ترمیم،مقدمات ،اور موجودہ سیاسی صورتحال بارے بات چیت کی، پی ٹی آئی وفد عمران خان سے ملاقات کے بعد اڈیالہ جیل سے واپس روانہ ہو گیا ہے، اس موقع پر بیرسٹر گوہر کا کہنا تھا کہ عمران خان کی صحت ٹھیک ہے، پی ٹی آئی کے عمران خان سے ملاقات کرنے والے وفد نے عمران خان سے چھبیسویں ترمیم کے حوالہ سے ہونے والی مشاورت پر میڈیا کو کچھ بتانے سے گریز کیا، بیرسٹر گوہر کا کہنا تھا کہ آپ کے ساتھ تفصیل کے ساتھ بات کریں گے،عمران خان سے مشاورت ہوئی ہے، مولانا فضل الرحمان سے ملاقات کرکے میڈیا سے گفتگو کریں گے، اسد قیصر نے بھی تصدق کی کہ عمران خان کی صحت ٹھیک ہے،
ملک کو بحرانوں سے نکالنے کا واحد حل عمران خان کی رہائی ہے.بیرسٹر سیف
علاوہ ازیں مشیرِاطلاعات خیبر پختون خوا بیرسٹر محمد علی سیف کا کہنا ہے کہ آئین پاکستان عوام کی امانت ہے، مجوزہ ترامیم عوام سےچھپا کر کی جا رہی ہیں،عدلیہ کی خودمختاری ختم کرنےکی کوشش ناکام بنائیں گے، سیاست کو صرف سیاسی اداروں تک محدود رہنا چاہیے،پی ٹی آئی اپنے قائد کی رہائی اور جعلی حکومت کے خاتمے تک جدوجہد جاری رکھے گی،ملک کو بحرانوں سے نکالنے کا واحد حل عمران خان کی رہائی ہےعوام جان چُکے ہیں کہ عمران خان پاکستان کی آخری امید ہیں، رجیم چینج سازش کے تحت قائم حکومت پاکستان کو اندر سے تباہ کر رہی ہے، کوئی ظلم اس نظریے کو مٹا نہیں سکتا جس کا وقت آ چکا ہو،عمران خان کا ہم ہر محاذ پر بھرپور ساتھ دیں گے، حقیقی آزادی تک عمران خان کے ساتھ شانہ بشانہ کھڑے رہیں گے
ارکان پارلیمنٹ کے اغوا ہونے کا جھوٹابیانیہ بنایا گیا،خواجہ آصف
پی ٹی آئی رہنما، وزیر داخلہ، اسحاق ڈار پھر مولانا کے گھر پہنچ گئے
اتفاق رائے نہیں ہوتا تو جس طرح بلاول نے کہا اسی طرح کریںگے،عطا تارڑ
بلاول وزیراعظم سے ملاقات کے بعد مولانا کے گھر پہنچ گئے
پارلیمنٹ کی خصوصی کمیٹی سے منظور شدہ آئینی ترامیم کا ڈرافٹ سامنے آ گیا
مولانا کی رہائشگاہ سیاسی سرگرمیوں کامرکز،اپوزیشن جماعتوں کے بعد بلاول پہنچ گئے
وزیراعظم ،بلاول کی مولانا کے در پر حاضری،مولانا نے کھری کھری سنا دیں
نمبر گیم پوری،پی ٹی آئی اراکین اغوا،کیا عمران خان رہا ہوں گے؟
قومی اسمبلی اجلاس، ایوان میں بلاول کی عمر ایوب، بیرسٹر گوہر سے ملاقات
آئینی ترمیم کیلئے سینیٹرز کو ہراساں،معاملہ سینیٹ پہنچ گیا،خاتون رکن رو پڑی
لاہور:پاکستان کوکلئیر ویلفیئر آرگنائزیشن کا پہلا باضابطہ اجلاس،اہم فیصلے کئے گئے
پیدائشی سماعت سے محروم بچوں کے کامیاب آپریشن کے بعد”پاکستان زندہ باد” کے نعرے
نواز شریف سے بھارتی صحافیوں کے وفد کی ملاقات
آئینی ترمیم ،حکومت تیار،کل سینیٹ میں پیش کی جائے گی
پارلیمنٹ کی خصوصی کمیٹی نے آئینی ترمیم کا مسودہ منظور کرلیا
