اسلام آباد ہائیکورٹ ،بانی پی ٹی آئی عمران خان سے بہن نورین نیازی کی جیل میں ملاقات کی درخواست پر سماعت ہوئی،
عدالت نے ڈپٹی اٹارنی جنرل کو ہدایت کی کہ وزارتِ داخلہ سے معلوم کریں جیل ملاقاتوں پر کیوں پابندی ہے، اسلام آباد ہائیکورٹ کے چیف جسٹس عامر فاروق نے اعتراضات کے ساتھ کیس کی سماعت کی ،نورین نیازی کی جانب سے وکیل سلمان اکرم راجہ عدالت میں پیش ہوئے اور کہا کہ درخواست گزار بانی پی ٹی کی بہن ہیں، ایس او پیز طے کیے گئے تھے جس میں ملاقاتیں ہوتی تھیں، پنجاب حکومت کی جانب سے ایک بالکل Blanket تھریٹ الرٹ جاری ہوا،لکھا گیا کہ جیل میں کوئی بھی اب ملاقات نہیں کر سکتا،
افواہیں ہیں کہ بانی پی ٹی آئی کو جیل میں کچھ ہو گیا ،بہن اور ڈاکٹر سے ملنے دیا جائے،سلمان اکرم راجہ
بانی پی ٹی آئی عمران خان کی ہمشیرہ نورین نیازی اور ڈاکٹر سے ملاقات کی درخواست پر فیصلہ محفوظ کر لیا گیا،بانی پی ٹی آئی سے بہن نورین نیازی کی جیل میں ملاقات کی درخواست پر سماعت ہوئی،اسلام آباد ہائیکورٹ کے چیف جسٹس عامر فاروق نے کیس کی سماعت کی،ایڈیشنل اٹارنی جنرل نے کہا کہ ایجنسیوں کی جانب سے سیریس سیکیورٹی تھریٹس کی رپورٹ دی گئی ہے، حکومت کی طرف سے اڈیالہ جیل حکام کو ملاقاتوں پر پابندی لگانے کا کہا گیا ہے،سخت سیکیورٹی تھریٹس کی وجہ سے چھٹی کا نوٹیفکیشن بھی جاری کیا گیا، سپریم کورٹ اور اسلام آباد ہائیکورٹ بھی کانفرنس کے دوران بند ہونگی، وکیل سلمان اکرم راجہ نے کہا کہ ہماری استدعا ہے کہ بہن اور ایک ڈاکٹر کی ملاقات کروا دی جائے، افواہیں ہیں کہ بانی پی ٹی آئی کو جیل میں کچھ ہو گیا ہے، بانی پی ٹی آئی عام آدمی نہیں بلکہ ایک بڑی سیاسی جماعت کے لیڈر ہیں، انسانی بنیادوں پر صرف بہن اور ایک ڈاکٹر کو ملاقات کی اجازت دی جائے،
بانی پی ٹی آئی عمران خان سے بہن نورین نیازی کو پابندی کے دوران ملاقات کی اجازت نہ مل سکی،اسلام آباد ہائیکورٹ کے چیف جسٹس عامر فاروق نے فوری ملاقات کی اجازت کی استدعا مسترد کر دی
واضح رہے کہ بانی پی ٹی آئی عمران خان کی بہن نورین خان نیازی نے ملاقات نہ کرانے پر اسلام آباد ہائی کورٹ میں درخواست دائر کر تھی،نورین نیازی نے وکلا کی پانچ رکنی ٹیم کے ذریعے اسلام آباد ہائیکورٹ میں درخواست دائر کی، درخواست میں چیف کمشنر اسلام آباد اور سپرنٹنڈنٹ اڈیالہ جیل کو فریق بنایا گیا ہے،عدالت میں دائر درخواست میں کہا گیا ہے کہ اڈیالہ جیل میں بھائی اور ان کی اہلیہ بشریٰ بی بی سے ملاقات کرائی جائے، بانی پی ٹی آئی سے جیل میں وکلاء اور فیملی ممبران کی ملاقات کا حکم دیا جائے،جیل سپرنٹنڈنٹ پٹیشنر اور دیگر فیملی ممبرز کی بانی پی ٹی آئی سے جیل میں ملاقات کرانے سے انکار کر رہے ہیں، معلوم ہوا کہ بانی پی ٹی آئی اور ان کی اہلیہ سے بنیادی سہولتیں واپس لے کر خراب صورتِ حال میں رکھا ہوا ہے،اڈیالہ جیل میں عمران خان کے سیل کی لائٹس منقطع کر کے ان کو خطرے میں ڈال دیا گیا ہے، بہنوں اور فیملی ممبرز سے ملاقات بھی نہیں کرائی جا رہی، عدالت ملاقات کرانے کا حکم دے،
اسرائیل نیازی گٹھ جوڑ بے نقاب،صیہونی لابی عمران کو بچانے کیلئے متحرک
عمران خان بطور وزیراعظم اسرائیل کے ساتھ سفارتی تعلقات قائم کرنے کیلئے تیار تھے،دعویٰ آ گیا
عمران خان اور پی ٹی آئی نے ملک دشمنی میں تمام حدیں پار کر دیں
امریکی ایوان نمائندگان میں قرارداد،پاکستان کے خلاف آپریشن گولڈ اسمتھ کی ایک کڑی
آپریشن گولڈ سمتھ کی کمر ٹوٹ گئی،انتشاری ٹولہ ایڑھیاں رگڑے گا
تحریک انصاف کی ملک دشمنی ایک بار پھر کھل کر سامنے آ گئی
