عمران نیازی اورقاسم سوری قومی نمائندوں سے معافی مانگیں،محسن شاہنواز رانجھا
باغی ٹی وی کی رپورٹ کے مطابق ن لیگی رہنما محسن شاہنواز رانجھا نے کہا ہے کہ قاسم سوری جمہوری تاریخ میں کالا دھبہ ہے،
بیرسٹرمحسن شاہنواز رانجھا کا کہنا تھا کہ قاسم سوری کو قوم سے غلط بیانی پر معافی مانگنی ہوگی،قاسم سوری کی رولنگ سے عوام کے جذبات مجروح ہوگئے،عمران نیازی اور قاسم سوری 15 دن میں قومی نمائندوں سے معافی مانگیں، عمران نیازی اور ان کے لوگ سوشل میڈیا پر عدالت عظمیٰ کی توہین کر رہے ہیں،تحقیقات سے ثابت ہوگیا کہ پاکستان کے خلاف کوئی سازش نہیں ہوئی، پاکستانی قوم آئین شکنوں کے خلاف تحریک چلائے گی،قاسم سوری کو ہتک عزت کا نوٹس دیا جائے گا،عوامی نمائندوں کے جذبات کو ٹھیس پہنچانے پر جواب دینا ہوگا، پی ٹی آئی کی الیکشن کمیشن کے خلاف تحریک کے نتائج اچھے نہیں ہوں گے،صدر اپنی آئینی ذمہ داری پوری نہیں کریں گے تو ان کے خلاف مواخذہ کی تحریک لائیں گے،
قبل ازیں ن لیگی رہنما عطا تارڑ کا کہنا ہے کہ گورنر پنجاب آئینی بحران پیدا کرنا چاہتے ہیں عطا تارڑ کا کہنا تھا کہ عدالتی حکم پر عمل درآمد کرنا لازمی ہے،ہم عدلیہ کا احترام کرتے ہیں ،گورنر آئین شکن کے طورپر یاد رکھے جائیں گے ،عمران خان اورگورنر پنجاب ضد پراڑے ہیں،یہ پنجاب کومزید بحرانی کیفیت میں دھکیلنا چاہتے ہیں،یہ چاہتےہیں آئینی بحران کو بڑھایا جائے،گورنر عمر سرفراز چیمہ نے آئین کو پامال کیا ہے، ہم چاہتے کسی بھی آئینی عہدے دار سے حلف لے سکتے تھے، صدر پاکستان کو دوبارہ ایڈوائس بھیجی گئی وزیراعظم کی جانب سے یادہانی کے باوجود کوئی عمل نہیں ہوا،عدالتی آرڈر سے انحراف درست نہیں،عدالت سے استدعا ہے چیئرمین سینیٹ کو حلف کی ہدایات دی جائیں،
ماسک سمگلنگ کے الزامات، ڈاکٹر ظفر مرزا خود میدان میں آ گئے ،بڑا اعلان کر دیا
آزادی اظہار کے تحفظ پر کوئی سمجھوتہ نہیں کریں گے،مریم اورنگزیب
عمران خان نے خطرناک کھیل کھیلا، کسی بھی رحم یا رعایت کا مستحق نہیں،مریم نواز
قانون کے برخلاف حلف برداری کو رکوایا گیا،عطا تارڑ
